Олимпиада ўйинлари. Футбол. Осиё жамоалари ўз иштирокларини якунлашди
16 авг 2016 13:03
Янгиликлар

Олимпиада ўйинлари. Футбол. Осиё жамоалари ўз иштирокларини якунлашди

Футбол бўйича Рио-2016 олимпиадасида иштирок этган Осиёнинг учта жамоаси ўз иштирокини тугатди. Биргина Жанубий Кореяни ҳисобга олмаганда, қолган икки жамоа Япония билан Ироқ гуруҳдан чиқа олишмади.

Ироқ олимпия термаси "А" гуруҳида баҳс олиб борди ва учала ўйинни ҳам дуранг билан якунлади. Ироқ ўз гуруҳида учинчи ўринни эгаллади.

Ироқ - Дания 0:0

Бразилия - Ироқ 0:0

ЖАР - Ироқ : 1:1

Гуруҳдан чиққан жамоалар: Бразилия, Дания.

"B" гуруҳда иштирок этган Япония учта ўйинда уч хил натижа қайд этди: бир ғалаба, бир дуранг ва бир мағлубият. Япония гуруҳ баҳсларини учинчи ўринда тугатди.

Нигерия - Япония 5:4

Япония - Колумбия 2:2

Япония - Швеция 1:0

Гуруҳдан чиққан жамоалар: Нигерия, Колумбия.

Жанубий Корея олимпия терма жамоаси эса "С" гуруҳида баҳс олиб борди ва мағлубиятга учрамай биринчи ўринни олган ҳолда гуруҳдан чиқди. Фақат корейслар чорак финалда Гондурасга 0:1 ҳисобида ютқазиб қўйишди.

Ж.Корея - Фиджи 8:0

Ж.Корея - Германия 3:3

Ж.Корея - Мексика 1:0

Гуруҳдан чиққан жамоалар: Ж.Корея, Германия.

Шундай қилиб Осиё жамоалари Рио олимпиадасида ўз иштирокларини тугатишди. Учала жамоа ҳам ўз имконияти даражасида Олимпиада ўйинларида тўп сурди дея оламиз. 17 август куни ярим финал баҳслари бўлиб ўтади. Унда Бразилия Гондурасга, Германия Нигерияга қарши баҳс олиб боради.

Ҳавола :

Манба : championat.asia

Янгиликларни Телеграмда ўқинг!

Рейтинг: -2