Олий лига, 5-тур. Статистика ва фактлар

Ушбу йилги чемпионатимиз старти аввалида кўпчилик қизиқарли ва бошқачароқ дебют кутишганди. Кимнингдир кутгани амалга ошгандир, яна кимнингдир йўқ. Биз эса 5-тур статистикаси билан таништириб ўтамиз. Ушбу турда катта бир сенсацион натижа бўлгани йўқ. 

Деярли кутилган натижа ва ўйинлар. Бу турда иккита марказий баҳс мақомига эга бўлган учрашувлар бўлиб ўтди. Иккаласи ҳам Тошкентда, Тошкент шаҳри ва Тошкент вилояти жамоалари ўртасида. Тошкент дербисида "қалдирғочлар" ва "темирйўлчилар" муроса кўчасини танлашди. "Пахтакор" - "Олмалиқ" ўйинида эса "шерлар" амалда бекорга пешқадамликни ўз қўлларида ушлаб туришмаганини исботлай олишди. 

5-тур статистикаси:

Киритилган голлар: 14
Ғалабалар: 5
Мезбон жамоа ғалабаси: 3
Меҳмон жамоа ғалабаси: 2
Дуранг: 2
Энг қўпол ўйин: "Сўғдиёна" - "Бухоро" 0:1 (7 та огоҳлантириш ва 1 четлатиш)
Энг тартибли ўйин: "Қизилқум" - "Машъал" ва "Металлург" - "Навбаҳор" (3 та огоҳлантириш)
Энг қўпол жамоа: "Бухоро" (4 та огоҳлантириш ва четлатиш)
Энг тартибли жамоалар: "Насаф", "Локомотив", "Машъал"
Томошабоп ўйин: "Андижон" - "Динамо" 2:3
Энг кўп ишқибоз ташриф буюрган ўйин: "Насаф" - "Нефтчи" 2:1 (8750 томошабин)
Энг кам ишқибоз ташриф буюрган ўйин:"Металлург" - "Навбаҳор" 2:0 (2445 томошабин)
Томошабинлар ташрифи жами: 43276 томошабин
Ўртача томошабинлар ташрифи ҳар бир ўйинга: 6182 томошабин
Турнинг кутилмаган натижаси: "Сўғдиёна" - "Бухоро" 0:1
Турнинг энг яхши жамоаси: "Динамо"
Огоҳлантиришлар сони: 36
Четлатишлар: 1

Шаҳбоз Беғамов