ОФК кубоги-2021. Язгули Хожагелдиев: "Ҳисоб бундай кўриниш олишини кутмагандик"

"Бугунги ўйин асабий бўлишини тахмин қилгандик. Лекин ҳисоб бундай кўриниш олишини кутмагандик. Асосийси ғалаба қозондик, мақсадимиз 3 очко эди, буни қўлга киритдик. Энди кейинги баҳс ҳақида ўйлашни бошлаймиз.

Ҳисоб йириклашиб кетгандан кейин ғалабани сақлаб қолиш керак эди холос. Аксинча рақиблар гол уриб ҳисобни тенглаштиришди. Асосийси ғалаба қозона олдик. Ўзгаришлар қилганимиздан кейин ҳам кўплаб имкониятларга эга бўлдик.

"Насаф"ни яхши биламиз, ҳар бир рақибга турлича ўйнаймиз. Футболчилар буни тушиниб туришибди.

Бизда ўйин амалиёти йўқлигини биласизлар, бундан ташқари мусобақада қатнашишимиз сўнгги паллада аниқ бўлди. Бу ҳам албатта таъсир қилди", - дейди Язгули Хожагелдиев.
 

"Мураббийимиз айтгандек бош мақсадимиз ғалаба қозониш эди, бунга эришдик. Энди "Насаф" билан баҳсга тайёргарликни бошлаймиз", - деди учрашувнинг энг яхши футболчиси Алтимурат Аннадурдиев. 

Толибжон Қосимов 

Душанбе, Тожикистон