ОФК келишилган ўйинларга қарши курашиш учун SPORTRADAR билан янги шартнома имзолади

Бу ҳақда ташкилотнинг расмий сайти маълум қилди.

"Келажак авлод учун спортни ҳимоя қилиш керак. Биз бу шартнома билан чекланиб қолмаймиз.  Осиё футболини, қитъадаги ҳар бир мамлакат футболини ҳимоя қилиш учун қўлимиздан келган барча ишни қиламиз. Sportradar бу йўлда биз билан ҳамкорлик қилади" - дейди ОФК президенти шайх Салмон ибн Иброҳим Ал Ҳалифа.

ОФК ва фирибгарликка ва келишилган ўйинларга қарши кураш бўйича жаҳонда етакчи бўлган Sportradar ўртасидаги шартнома яна икки йилга узайтирилди. Икки ташкилот ўртасидаги ҳамкорлик 2013 йилда бошланган ва ОФК учун ишлаб чиқилган махсус мониторинг тизими ёрдамида Осиёда ҳар йили 4500 миндан ортиқ учрашувлар текшириб борилади. Бундан ташқари қитъа ва минтақавий машҳур турнирлар ҳам тизим ёрдамида назорат қилиниб борилади.

Шу билан бирга, Sportradar ОФК учун махсус мобил илова (программа) ишлаб чиқаряпти. Илованинг вазифаси ахборот беришдир ва келишилган ўйинларни хабар қилишда ишлатилади.