ОФК Чақирув лигаси. Ўзбекистонлик ҳакамлар Сурия ва Бангладеш жамоалари ўртасидаги учрашувда ишлайди
12 авг 12:35
Янгиликлар

ОФК Чақирув лигаси. Ўзбекистонлик ҳакамлар Сурия ва Бангладеш жамоалари ўртасидаги учрашувда ишлайди

Бугун ОФКнинг клублар ўртасидаги янги мавсуми старт олади ва кутилганидек, ўзбекистонлик реферилар халқаро турнирлар ҳамда учрашувларда фаолият юритишади.

Қатарнинг "Суҳайм бин Ҳамад" стадионида ОФК Чақирув лигаси саралаш босқичи доирасида "Карамах" (Сурия) ва "Башундхара Кингс" (Бангладеш) жамоалари ўзаро баҳс олиб боради.

Ушбу учрашувни ўзбекистонлик ҳакамлар бригадаси ишлайди: бош ҳакам – Фирдавс Норсафоров, ёрдамчи ҳакамлар – Руслан Серазитдинов ва Алишер Усмонов, тўртинчи ҳакам – Ақобирхўжа Шукуруллаев.

Шунингдек, ОФК Элит Чемпионлар лигаси Ғарб минтақасининг гуруҳ босқичида иштирок этувчи 12-жамоани аниқлаб берадиган "Дуҳайл" (Қатар) – "Сепахон" (Эрон) учрашувида тажрибали мутахассис – Владислав Сейтлин ҳакамлар назоратчиси сифатида иш олиб боради.

Ҳавола :

Манба : ЎзФҲМ

Янгиликларни Телеграмда ўқинг!

Рейтинг: +2