Odil Cup-2016. Учинчи куннинг биринчи ярмидан репортаж
05 июн 2016 13:02
Янгиликлар

Odil Cup-2016. Учинчи куннинг биринчи ярмидан репортаж

Теглар : Odil Cup-2016

Хабар бериб ўтганимиздек, шу кунларда Наманган шаҳрида 2002 ва 2004 йилда туғилган футболчилар ўртасида Odil Cup-2016 болалар футбол фестивали бўлиб ўтяпти.

Ўзбекистон миллий терма жамоаси сардори Одил Аҳмедов билан реклама шартномаси имзолаган “ImkonPlyus” компанияси бош ҳомийлигида ташкил этилган футбол турнирида 8та жамоа иштирок этмоқда. Бугун куннинг биринчи ярмида 2004 йилда туғилган футболчилар охирги тур учрашувларини ўтказишди.

Наманган вилоят футбол федерациясига қарашли "Умид" стадионида бўлиб ўтган ўйинларда Наманганнинг "Баркамол" жамоаси Фарғонанинг "Истиқлол" тарбияланувчиларига қарши майдонга тушиб, 4:2 ҳисобида ғалаба қозонди.

Кейинги учрашувда эса "Навбаҳор-Умид" ўз рақиби "Азия"ни 3:2 ҳисоби билан мағлуб этди. Одатга кўра, иккала учрашув якунида ҳар бир жамоадан энг яхши футболчилар аниқланди ҳамда уларга ҳомийлар томонидан эсдалик совғалари топширилди. Бугун тушдан сўнг 2002 йилда туғилган футболчилар ҳам охирги тур баҳсларини ўтказишади. Шундан сўнг Odil Cup-2016 мусобақасининг якуний ёпилиш маросими бўлиб ўтади.

Odil Cup-2016. Учинчи кун ўйинлари (2004 й.)

"Баркамол" (Наманган) - "Истиқлол" (Фарғона) 4:2
Голлар: Умаров (2), Жамолиддинов (2) - Зоиров, Мамадалиев.

"Навбаҳор-Умид" (Наманган) - "Азия" (Андижон) 3:2
Голлар: Жўрабоев (2), Исоқжонов - Жалолов (2).

Жасур Асланов

Ҳавола :

Манба : championat.asia

Янгиликларни Телеграмда ўқинг!

Рейтинг: +5