Одил Аҳмедов Бақоев ва Қосимовга етиб олди

Ярим ҳимоячимиз Одил Аҳмедов биринчи бўлимда рақиб дарвозасига гол уришга эришди. Шу тариқа Аҳмедов Осиё Кубокларида ўзининг 8-ўйинида 3 бор тўп киритди. Улуғбек Бақоев ва Миржалол Қосимов ҳисобида ҳам қитъа чемпионатлари финал босқичида 3тадан гол бор.

Бу борада Ўзбекистон терма жамоасида энг яхши кўрсаткич Александр Гейнрихга тегишли. Ҳужумчи Осиё Кубокларида 6та гол урган. Максим Шацких ҳисобида 4та гол бор.

Бундан ташқари Аҳмедов иккинчи қитъа чемпионатида ўз ҳисобига гол ёзиб қўйган бешинчи футболчига айланди (2011 ва 2015). Гейнрих бу борада ҳам яққол пешқадам. Саша учта мусобақада (2004, 2007 ва 2011) гол уришга муваффақ бўлган. Максим Шацких (2007 ва 2011), Улуғбек Бақоев (2007 ва 2011) ҳамда Миржалол Қосимов иккита (2000 ва 2004) Осиё Кубогида тўп киритган.

Нарзулла Сайдуллаев