Жамоалар ўртасидаги илк беллашувда эса ҳисоб очилмаганди. Шу тариқа, «Ал-Ҳилол» клуби, «Урава Ред Даймондс» (Япония) ва «Ал-Садд» (Қатар) жамоаларидан кейин ярим финалнинг учинчи иштирокчисига айланди. Саудияликлар ушбу босқичда Хави шогирдларига қарши тўқнаш келишади.
Чорак финалнинг сўнгги жавоб ўйини эса «Гуанчжоу Эвергранд» (Хитой) ҳамда «Кашима Антлерс» (Япония) ўртасида (илк баҳс 0:0) ўтказилади. Мазкур ўйин 18 сентябрь куни, Тошкент вақти билан 15:00да бошланади.
