ОЧЛ. Ярим финалнинг дастлабки ўйинлари бўлиб ўтди

Японияда "Кашива Рейсол" Хитойнинг "Гуанчжоу" клубини қабул қилди. Учрашувда ҳисобни майдон эгалари очишганига қарамай меҳмонлар йирик ғалабага эришишди - 4:1. Хитой клуби сафида Дарио Конка ва Мурикуи дублга эришди. Ушбу ўйинни ҳамюртимиз Валентин Коваленко бошчилигидаги ҳакамлар бригадаси бошқариб борганини таъкидлаш лозим.  

Иккинчи ўйинда эса Жанубий Кореянинг "Сеул" клуби ўз майдонида Эроннинг "Истиқлол" клубини қабул қилди. Ўйинда мезбонлар 2:0 ҳисобида зафар қучишди.

Ярим финал жавоб ўйинлари 2 октябрь куни бўлиб ўтади.

"Кашива Рейсол" (Япония) - "Гуанчжоу" (Хитой) 1:4
Голлар: Жорже Вагнер 10 - Мурикуи 58, 90+1, Дарио Конка 67, 82.


"Сеул" (Жанубий Корея) - "Истиқлол" (Эрон) 2:0
Голлар: Дамянович 39, Ко Йо-Хан 47.