ОЧЛ. Эрматов бошқарган ўйинда “Ал Айн” ғалаба қозонди, лекин

БААнинг “Ал Айн” жамоаси муҳташам Hazza Bin Zayed Stadium аренасида Саудия Арабистонининг “Ал Ҳилол” клубини қабул қилди. Ҳамюртимиз Равшан Эрматов бошқариб борган учрашувда майдон эгалари 2:1 ҳисобида зафар қучишди.

Лекин бу ғалаба финалга чиқиш учун камлик қилди. Боиси, Ар-Риёдда кечган дастлабки ўйинда саудиялик футболчилар 3:0 ҳисобида зафар қучишган эди. Дарвоқе, бугунги баҳсда Эрматов "Ал Айн" футболчиси Асамоа Гьянга рақиб футболчисига икки оёқлаб сакрагани учун қизил карточка кўрсатди.

Бугун ОЧЛнинг иккинчи ярим финал жавоб учрашуви бўлиб ўтади. Унда Австралиянинг “Вестерн Сидней Уондерерс” ҳамда Жанубий Кореянинг “ФК Сеул” жамоалари ўзаро муносабатларига ойдинлик киритиб олишади.