ОЧЛ-2021. Акбар Навас: "Кучли рақиблар билан ўйнаш футболчиларимизга қўшимча мотивация беради"

"Ўйинга кўтаринки кайфиятда тайёргарлик кўрмоқдамиз. Умид қиламанки, аввалгидан яхши ўйнай оламиз. "Чонбук Моторс" ҳар томонлама кучли жамоа. Рақибнинг ҳар бир чизиғида юқори савиядаги футболчилар жамланган. Улар бизга муаммо туғдира олишади. Қайсидир маънода бу футболчиларимиз учун ўзига ҳос мотивация бўлади. Биринчи ўйинда йўл қўйилган хатолар устида ишладик. Эртанги баҳсда қўпол хатоларни такрорламаймиз, деган умиддаман. Футболчилар қўлидан келган барча имкониятни ишга солишади. 

Ҳар бир баҳсда майдонда максимал ҳаракат қилмоқдамиз. Ҳамма бор кучи билан ўйнаяпти. Эртага қандай ўйин кўрсатамиз, буни энди кўрамиз. Жанубий Корея жамоалари жисмоний томондан кучли ва яккакурашларда ютқазишмайди. Бу биз учун муаммо бўлиши табиий. Ҳаммасини майдонда кўрамиз",- дейди Акбар Навас.