ОАВ Луис Гарсия иштирокидаги тадбирга борадими ёки Фарғонадаги финалга?
10 окт 2018 13:59
Янгиликлар

ОАВ Луис Гарсия иштирокидаги тадбирга борадими ёки Фарғонадаги финалга?

28 октбярь куни ЎФА ташаббуси билан Европада ўз ўрнига эга собиқ футболчи Луис Гарсия иштирокида мастер класс тадбири бўлиб ўтиши ҳақида хабар чиқди.

Энг қизиғи шундаки, шу куни Фарғонада Ўзбекистон Кубогининг финали бўлиб ўтади ва унга тайёргарлик камида 26 октябрдан бошланиши керак. Испаниялик футболчи билан тадбир бош ташкилотчиси ПФЛ эканини инобатга олсак, икки муҳим тадбирнинг бир кунда ўтиши, лойиҳа сифатига кескин таъсир кўрсатиши мумкинлигини башорат қилиш қийин эмас.

Ўзи шундоқ ҳам кам сонли ОАВ вакиллари Фарғонадаги Кубок финалидан кўра "Миллий" стадиондаги Гарсия тадбирини афзал кўриши мумкин. Айримлар эса ҳар иккисидан воз кечиб Испания бўладиган суперўйин - "Эл Класико"га бор эътиборни қаратишлари ҳам мумкин. Футболчи билан матбуот анжумани бўлиши ташкилот сайтида ёзилди. Худди шундай тадбир Бахтиёр Ашурматов ва Шота Арвеладзе иштирокида 27 октябрь куни Фарғонада ҳам ташкил этилиши керак.

2004 йилда таваллуд топган футболчилар ўртасидаги Республика мусобақаси бўлаётган бир пайтда Ўзбекистоннинг 2004 йилда таваллуд топган ўсмирлар терма жамоаси учун "Эйбар" билан ўйин гаплашиб қўйилганлиги ҳам профессионал ҳолат эмаслигини таъкидлаб ўтиш мумкин.

Ҳавола :

Манба : championat.asia

Янгиликларни Телеграмда ўқинг!

Рейтинг: -12