Нойер 8,5 ойдан кейин яна "Бавария" билан машғулотда қатнашди

"Bild"нинг хабарига кўра, бугун 28 август куни Нойер "Бавария"нинг қолган киперлари билан бирга машқ қилган. Бу 37 ёшли голкипернинг саккиз ярим ойдан бери умумий гуруҳ машғулотида иштирок этган биринчи машғулоти.

Мануэль Нойер ўтган йилнинг декабрь ойида дам олиш вақтида чанғида учаётиб, оёғини синдириб олганди. "Бавария" ва Германия термаси голкипери 2022 йил 1 декабридан буён машғулотларда иштирок эта олмаганди.