Носир Абдусаломов: "Қаршига қуруқ қўл билан қайтиб кетиш учун бормаган эдик"

Муросасиз ва қизиқарли ўтган ўйинда 2:2 ҳисобидаги дуранг натижа қайд этилди. Мазкур учрашувда "Бунёдкор" сафида яна бир "қалдирғоч" Носир Абдусаломов дебют қилди. Жамоа рақибига енгилаётган вақтда Илёс Зейтуллаев 21 ёшли футболчини майдонга ташлади ва у ҳисобни тенглаштирган голга муаллифлик қилди. Ўйиндан сўнг у дебюти борасидаги таассуротлари билан ўртоқлашди. 

"Насаф" билан ўйинга жиддий тайёргарлик кўрган эдик. Қаршига шунчаки қуруқ қўл билан қайтиб кетиш учун келмаган эдик. Худога шукур, буни амалда исботладик. Дебют ўйинда босим бўлади албатта. Ҳаяжонни енгиб ўтишга ҳаракат қилдим, мураббийлар ишончи ёрдам берди. Бу ҳаётимдаги унутилмас кунлардан бири бўлди. 

Мураббийимиз кўпроқ ҳужумга ўтишни, менинг вақтим келганини айтди. Бу сўз менга янада куч берди. Шу ўринда менга ишониб қўллаб-қувватлаганлари учун Илёс Бекировичга миннатдорчилик билдираман",- дейди Носир Абдусаломов.