UZ

Сўнгги янгиликлар

15:41"Ницца" АПЛ клублари қизиқаётган ҳимоячиси учун нарх белгилади  0 15:30Про лига. "Олимпик-MobiUz" – "Машъал" 0:0 (онлайн ҳисоб)  1 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  5 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  21 11:48Клоппнинг ассистенти "Аякс" бош мураббийига айланиши мумкин  1 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  22 10:57Пеп Гвардиола «Манчестер Сити»даги келажаги борасида бир қарорга келди  7 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  3

Норхонов, Сидиқов, Рашидов. Суперлигада қишнинг қайноқ трансферлари (ТОП-10) Янгиликлар

Норхонов, Сидиқов, Рашидов. Суперлигада қишнинг қайноқ трансферлари (ТОП-10)

Суперлига жамоалари бу йилги қишки трансферлар ойнасида ҳам фаолликни қўлдан бой бермади.

 Барча жамоалар ўз имкониятидан келиб чиқиб таркибини кучайтирди.  Қуйида бу борада топ-10 рўйхат билан танишамиз. 


Темурхўжа Абдухолиқов – "Навбаҳор"


Наманганнинг "Навбаҳор" жамоаси ўтган йилда бўлгани каби бу мавсумда ҳам трансферлар ойнасида диққат марказида бўлишга интилди. Қайсидир маънода яққол ажралиб турди, дейиш қийин. Чунки қолган клублар ҳам таркибларини номдор футболчилар билан тўлдириб олганини унутмаслик керак. "Лочинлар"нинг қишда амалга оширган энг яхши трансфери шубҳасиз Темурхўжа Абдухолиқов бўлди. Жамоа ҳужумларни якунлашда Темурхўжа сингари футболчига жамоа эҳтиёж сезаётганди. Тажрибали форварднинг "лочинлар" сафида қанчалик ўзини кўрсата олишини чемпионат давомида билиб оламиз. 


Шоҳруз Норхонов – "Навбаҳор"

Трансферлар ўнлигимизнинг иккинчи поғонасидан ҳам "Навбаҳор" футболчиси ўрин эгаллади. Аслида клуб ўтган йили ҳам Шоҳруз Норхоновга жиддий қизиқиш билдирган, якунда эса Зоран Марушич вариантида тўхтаган. "Навбаҳор" барибир бу йил футболчини ўз сафига қўшиб олди. Катта эҳтимол билан бу йил олдинги чизиқда Абдухолиқов ва Норхонов жуфтлигини кўрамиз. Махоратли форварддан Самвел Бабаян ўйинларда соф ҳужумчи ва қанот ўйинчиси сифатида фойдаланиши кутилмоқда. 



Жавоҳир Сидиқов – "Насаф"


Марко Станоевич ўтган мавсум охирида "Динамо" билан учрашувда жароҳат олгач қишда жарроҳлик амалиётини ўтказишга мажбур бўлди. Унинг сафга қайтишига ҳали вақт борлиги сабаб "Насаф" Марконинг позициясига футболчи излади. Бир нечта номзодлар орасидан Жавоҳир Сидиқов варианти маъқул кўрилди. "Аждарлар"нинг ўйин услуби ҳам айнан Сидиқовга мос келади. Ярим ҳимоячининг узоқдан урадиган голларини кўпчилик соғинган. "Насаф" бу борада унга ёрдам бериши мумкин. 



Александар Станисавлевич – "Бухоро"

Суперлигадаги дебют йилидаёқ энг яхши ассистент бўлган, "Қизилқум"даги фаолияти ижобий таассурот қолдирган Александар Станисавлевич бу мавсумда "Бухоро" шарафини ҳимоя қилади. Сербиялик ярим ҳимоячига "Насаф" ҳам жиддий қизиқиб кўрган, якунда томонлар молиявий томонини келиша олишмаганди. Афтидан у "Қизилқум"да қолиш эҳтимоли ҳам бор эди. Бироқ кутилмаганда "Бухоро" варианти пайдо бўлди. Станиславлевич "Кўҳна" шаҳарда ҳам ўзини кўрсата оладими?



Сардор Рашидов – "Пахтакор"

Сардор Рашидов учун бу "Пахтакор"га учинчи қайтиш ҳисобланади. 2021 йил ярим мавсум ўйнаб "Қувайт СК"га, 2022 йил ярим мавсум тўп тепиб "Умм-Салал"га йўл олганди. Қисқача қилиб айтганда "Пахтакор" Рашидов учун вақтинчалик қўниш майдончаси десак, муболаға бўлмайди. Бу йилги ОЧЛ баҳслари сентябрь ойида старт олишини ҳисобга олсак, футболчи "шерлар" сафида мавсум охиригача қолса керак. Ҳар ҳолда унинг тажрибаси халқаро ўйинларда асқотиши турган гап.



Фаррух Икромов – "Навбаҳор"

Рўйхатдан яна бир "лочинлар" вакили Фарруҳ Икромов жой эгаллади.  2022 йилни катта қисмини жароҳат сабаб ўтказиб юборган Фарруҳ фақатгина мавсум охирига келиб майдонга қайтди. Тезлик, дриблинг, ностандарт қарорларга эга Икромов шубҳасиз "Навбаҳор"нинг ҳужумларини шиддатли кўриниш олиши ва якунланишига ҳисса қўшиши табиий. Фақатгина ҳамма гап мураббий уни қайси жиҳатларини кўра олиши ва қанчалик имконият беришида. 



Жасур Жалолиддинов – "Олимпик"

"Локомотив" Про лигага тушиб кетган бўлсада, Жасур Жалолиддинов Суперлигада қолди. Яъни у мунтазам ўйин амалиётига эга бўлиш мақсадида "Олимпик" жамоасига ўтказилди. Биласиз, олимпия терма жамоамиз Париж-2024 олимпиядасига тизмли тайёргарлик олиб бормоқда. Бунда ҳар бир футболчининг ҳолати муҳим ҳисобланади. Жасур "Олимпик"да яна аввалги ҳолатига қайтса ажаб эмас. Бу орқали у фаолиятида яна барқарорликка эриша олиша олади, деб ўйлаймиз. 



Азим Аҳмедов – "Турон"

Бир йиллик танаффусдан сўнг Суперлигага қайтган "Турон" олдига жиддий мақсад қўйгани аниқ. Буни қишда амалга оширган трансферлардан пайқаш қийин эмас. Яйпанликлар бошқалардан қолишмаган ҳолда тажрибали ва номдор футболчиларни жалб қилди. Азим Аҳмедов жамоанинг марказида етакчи сифатида гавдаланиши кутилмоқда. Бахтиёр Ашурматов ва Азим Аҳмедовнинг йўллари 2014-2015 йилларда "Навбаҳор"да ҳам кесишганди. Орадан йиллар ўтиб эндиликда "Турон"даги ҳамкорлик қандай кечиши барчамиз учун қизиқ. 



Нурилло Тўхтасинов – "Нефтчи"

"Бунёдкор"даги ўйинлари, супер голлари орқали кашф қилганимиз Нурилло Тўхтасинов "Навбаҳор"да йўқолиб қолди. Деярли ўйин амалиётига эга бўлгани йўқ. Бундай паллада футболчи жамоасини ўзгартиришга қарор қилди ва "Нефтчи" сафига бориб қўшилди. Виталий Левченко қўл остида Нурилло яна ўз формасини тиклаб олишидан фақат хурсанд бўламиз. 



Гиорги Папава – "Пахтакор"

"Пахтакор" қишки трансферлар ойнасида катта ҳаридларни амалга оширмади, асосий эътиборни сифатга қаратди. Максим Шацких ўз жамоасига грузиялик Гиорги Папавани таклиф қилди. Бу билан мутахассис ярим ҳимоя чизиғидаги рақобатни оширишга эътибор қаратди. 

Муаллиф : Iskandarov Abdulaziz
Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика