"Ўйинни кўрдингиз, анча чиройли ўтди. Бирдамликда қилинган ҳаракат натижасида иккита гол уриб олдик. Натижада иккинчи бўлимда рақибга нисбатан эркинроқ ҳаракат қила бошладик. "Пахтакор" билан ўйинда ҳам шундай вазиятларга эга бўлган эдик, аммо ундан унумли фойдала олмаганмиз. Бугун эса биз бошқача ўйин кўрсатдик", - дейди Нўъмон Ҳасанов.
- Учрашувнинг сўнгги дақиқасида қизишиб кетдингиз...
- Ўша вазиятда футболчиларни ажратгани боргандим. Аммо вазият асабий тус олиб кетди, бу футболда бўладиган нарса.
- Бугунги ўйинда сизнинг "қўлингиз" кўринди...
- "Андижон"ни "Пахтакор" ва "Локомотив" билан ўйинини яхшилаб ўрганиб чиқдик. Уларнинг сафида бўйдор ўйинчилар кўп эди, шунинг учун ердан пас ўйнаш тактикасини амалга оширдик ва бу ўз самарасини берди.
- Серблар қандай киришиб кетишди?
- Секин аста киришиб боришяпти.
- "Пахтакор"нинг собиқ мураббийи сифатида Қўқонга киришиб кетишингиз қийин бўлмаяптими?
- У ердан кўп нарсани ўргандим. "Пахтакор"да бироз осонроқ, истаган пайтингизда тайер футболчи топишингиз мумкин. Менимча ҳали бу ерда биздан янада бошқача ва чиройлироқ ўйин кўришади. Бунга ҳаракат қиламиз. Бугун Қўқондаги энг яхши ўйиним бўлди деб бемалол айта оламан.
