Николас Сармиенто: "Бўлажак рақиб — Қозоғистонни табриклайман"
28 сен 2024 14:50
Янгиликлар
Николас Сармиенто: "Бўлажак рақиб — Қозоғистонни табриклайман"
Футзал бўйича жаҳон чемпионати 1/8 финали доирасида Хорватияга қарши ўйиндан сўнг (2:0) Аргентина терма жамоаси дарвозабони Николас Сармиенто сайтимизга интервью берди.
"Хорватияга қарши жуда қийин ўйин ўтказдик. Рақиб билан муросасиз ва курашларга бой тўқнашув бўлишини билардик. Ғалаба қозонганимиздан хурсандман. Эндиликда йўлимизда давом этамиз ва кейинги ўйин ҳақида бош қотирамиз.
Чорак финалдаги рақиб — Қозоғистонни табрикламоқчиман, улар Португалияга қарши жуда қийин ўйинда мардонавор ғалабага эришди. Натижанинг ўзи бу жамоанинг қандай кучга эга эканлигини айтиб турибди. Шу боис, бўлажак учрашув ҳақида жиддий бош қотиришимиз керак.
Ҳали чемпионлик ҳақида ўйлашга эрта, ҳозир илк навбатда Қозоғистонни мағлуб этиш ҳақида ўйлашимиз керак", деди Сармиенто.
Эслатиб ўтамиз, Аргентина чорак финалда Қозоғистонга қарши баҳс олиб боради.
Оқил Абдубарноев суҳбатлашди.
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
Бенту қўлдан чиқди, навбат Гжегож Бржэнчшчикиевичга
A Bola: Лёвдан сўнг Бенту ҳам Ўзбекистонга "йўқ" деди
Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"
Фикрлар