Никола Лазаревич: "Иккинчи бўлимда кўпроқ гол уришимиз мумкин эди"

Ўйин ҳақида

- "Машъал"ни яна Суперлигага қайтгани билан табриклайман. Бу жамоа қувноқ футбол намойиш этади. Биз навбатдаги ўйинларга янада жиддий тайёргарликда давом этамиз. 

Биринчи бўлимда жамоамизга фаоллик етишмади. Иккинчи бўлимда ўйинимиз ўзгарди, вазиятлар яратдик ва голлар урдик. Бугун рақиб ҳам ажойиб футбол намойиш этиб берди. Муаммолар, камчиликларни кўриб чиқамиз. Иккинчи бўлимда бундан ҳам кўпроқ гол уришимиз мумкин эди. "Машъал" жамоасига кейинги турларда омад тилайман.

- "Машъал" Про-лигадан чиқиб ўйнаяпти. Шундан келиб чиқсак, сизда ўз жамоангиз кучли деган фикр бор эдими?

- Биз барча рақибга жиддий тайёргарлик кўрамиз. Суперлига тур учрашувлари олдидан ким Про-лигадан чиққанининг аҳамияти йўқолиб қолади.

- Жамоангиз таркибидаги легионер футболчилар намойиш этаётган ўйинлардан қониқаяпсизми?

- Барча футболчилар ҳар доим майдондаги жанг учун тайёр бўлишлари керак. Легионер футболчилар яхши ҳаракат қилишаяпти, жисмоний ҳолатлари ҳам яхши.

- "Қизилқум"да тактикалар қандай тузилади? Жамоавий ўйин муҳимроқми ёки мураббий учун очко муҳимроқми?

- Биз доим ғалаба учун тактика тузамиз (кулади). Бу саволни рақобатчи мураббийларга ҳам беришган. Бизга натижа ҳам муҳим, жамоавий футбол ҳам.

- Машович ва Муртозаев 2 та гол уришди. Сизнингча, уларнинг қайси бири кучлироқ?

- Иккаласи тенг. Иккаласига ҳам гол уришда давом этишларини тилайман.  

- Бугун ким кучли эди? "Қизилқум" ёки "Машъал".

- 50га50. Балки вазиятлар бўйича бироз устунроқ ўйнагандирмиз. Буни таҳлил қиламиз.