Никита Ефременко: "Ютишни хоҳлагандик"
08 апр 2016 16:43
Янгиликлар

Никита Ефременко: "Ютишни хоҳлагандик"

Ўзбекистон Биринчилигининг 2-туридан ўрин олган "Локомотив-БФК" - "Оқ-тепа" жамоалари ўртасидаги беллашувдан кейин мезбонлар аъзоси Никита Ефремеконинг фикрлари билан қизиқдик.

- Албатта, оғир ўйин бўлди. Чунки "Оқ-тепа"дек рақибларга қарши баҳс доимо қийин кечади. Табиийки, кечаги беллашув ҳам биз учун осон ўтгани йўқ. Рақиб таркибида олий лигада тўп сурган бир қатор ўйинчилар бор. Тўпни ўзида ушлаб туриш, назорат қилиш борасида рақиб етарлича салоҳиятга эга. Улар истаган вақтида ўйин темпини ўзгартириб юбора олишлари мумкин. Аммо бугун биз ғалаба қозондик.

Ғалаба ниманинг ҳисобига қўлга киритилди? Биз ютишни чин дилдан хоҳлагандик. Шунга мос равишда учрашувга тайёргарлик кўргандик. Иштиёқ билан тўп сурганимиз ҳам қўл келди. "Оқ-тепа" жамоасининг ярим ҳимояси менга манзур бўлди. Тажрибали футболчилар ҳужум ташкил қилишда ҳам, бизнинг ҳужумларимизни бузишда ҳам фаоллик кўрсатишди, - дейди Ефременко.

Ҳавола :

Манба : championat.asia

Янгиликларни Телеграмда ўқинг!

Рейтинг: +1