UZ

Сўнгги янгиликлар

11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  2 10:57Пеп Гвардиола «Манчестер Сити»даги келажаги борасида бир қарорга келди  1 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  4 09:3410 ойга четлатилган Тонали яна узоқ муддатга дисквалификация қилиниши мумкин  1 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  8 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3 00:52Италиялик жаҳон чемпиони Қозоғистонга ташриф буюрди  8 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  18

"Нефтчи"нинг иши" ўзбек футболини дунёга машҳур қилди Янгиликлар

"Нефтчи"нинг иши" ўзбек футболини дунёга машҳур қилди

Теглар :  НефтчиТурон
Кеча, 1 декабрь куни "Нефтчи" ҳамда "Турон" ўртасидаги Суперлигага йўлланма берувчи баҳснинг якунида аҳмоқлик юз берди.

Бу ҳақида ҳамма эшитган ёки ҳеч бўлмаса ижтимоий тармоқлардаги "таэквондо услуби" видеосини кўрган бўлса керак. Вазиятдан боҳабар бўлмаганлар учун воқеа аслида қандай бўлганини такрорлаб ўтаман.

"Нефтчи" ва "Турон" Про Лиганинг сўнгги турида ўзаро тўқнаш келди. "Нефтчи" ушбу баҳсда дурангга эришса ҳам Суперлигага чиқарди, "Турон"ни эса фақат ғалаба қониқтирарди. Учрашувнинг 13-дақиқасида бош ҳакам "Нефтчи" дарвозасига пенальти белгилади ва хуштакдан кейин содир бўлган жанжал сабабчиларини сариқ карточка билан жазолади. Баҳсни Шавкат Насибуллаев бошқараётган эди. Бир пайтлар "Пахтакор" ва Ўзбекистон терма жамоаси шарафини ҳимоя қилган, ҳозирда "Турон" сафида тўп тепаётган Жавоҳир Соҳибов 11 метрлик жаримадан гол ура олмади, аниқроғи "Нефтчи" посбони сейв ижро этди. Тайм голларсиз якун топди.

Иккинчи тайм ҳам худди биринчисидагидек кескин курашларга бой бўлди ва "Турон"нинг омади келди. 81-дақиқада Асилбек Қаюмов меҳмон жамоани ҳисобда олдинга олиб чиқди. Бир қанча вақтдан сўнг "Турон" футболчиси ўз жарима майдончасида тўпни қўли билан ўйнагандек кўринди, аммо ҳакам пенальти белгиламади ва тўғри қилди. Такрорий лавҳада қўл билан ўйин бўлмаганига ишонч ҳосил қилдик. Баҳснинг асосий вақтига 5 дақиқа қўшиб берилди. "Нефтчи" гол ура олмади ва баҳс "Турон"нинг ғалабаси ҳамда Суперлигага йўлланма олиши билан якун топди. Ўйин тугаши билан "Нефтчи" футболчилари Насибуллаев бошчилигидаги ҳакамлар бригадасига эътироз билдиришни бошлади ва кутилмаганда майдонга мағлубиятдан кўзи қонга тўлган мухлислар тушиб кетишди. Футболчилар ва ишқибозлар бир-бирининг агрессиясидан "илҳом олиб" ҳакамни дўппослай бошлашди ва мезбон жамоа футболчиси Шавкат Насибуллаевга таэквондо услубида зарба берди. Баҳс мана шундай жанжал билан якунланди. Сўнгги маълумотларга кўра, ИИБ ходимлари бир неча ишқибозни қўлга олибди ва жанжал иштирокчилари қилмишига яраша жазо олади.

Яна бир маълумот, "Нефтчи" - "Турон" учрашувидан бир неча кун олдин Суперлига учрашувларида ишлаган 3 ҳакам келишилган ўйинларда иштирок этгани учун ЎФА томонидан жазолангани ҳам фарғоналик футболчи ва мухлисларнинг агрессияси ортишига сабаб бўлиши мумкин.

Ушбу воқеа бу оламда ўзбек футболи ҳам борлигини билдириб қўйди. Ижтимоий тармоқларда тарқалган видео тезда оммалашиб кетди. Учрашув якунланганидан бир неча соат ўтиб МДҲ мамлакатлари футболини ёритувчи машҳур сайтлар ушбу воқеага эътибор қаратиб, турли сарлавҳалар билан хабарлар, мақолалар эълон қилишни бошлашди.

TSN.UA (Украина): "Ҳакамларни дўппослашди: Ўзбекистонда ўйиндан кейин оммавий муштлашув бўлиб ўтди".

RIA.RU (Россия): "Ўзбекистондаги футбол ўйини оммавий муштлашув билан якун топди".

SPORT.UA (Украина): "Сакраб тепиш: Ўзбекистонда мухлислар ва футболчилар майдондаги ҳакамни савалашди".

CHAMPIONAT.COM (Россия): "Ўзбекистонда футбол ўйинидан сўнг жанжал содир бўлди".

SPUTNIK.KG (Қирғизистон): "Футболчи ҳакамни сакраб тепди - Ўзбекистондаги футбол ўйини тартибсизликка айланиб кетди".

Бу ҳали бошланиши... Тез орада инглиз, испан, немис нашрлари ҳам йигитларни ва футболимизни "мақтай" бошлашади.


Чет эл ОАВни четга суриб турайлик, Ўзбекистоннинг ўзидаги футболга умуман қизиқмайдиган инсонлар ҳам ушбу жанжал ҳақида гапира бошлашди ва қулоғимга ажойиб гаплар чалинди: "Анави ҳакамни тепган видеони кўрдингми, футболимиз яна қизиқарли бўляптими? Ана энди стадиондан футбол кўрсак бўлади". Қора ПР (салбий реклама) ҳар қандай супер рекламадан устун эканлигини яхши билсангиз керак. "Нефтчи" вакиллари ва мухлисларининг "қилиғи" ўзбек футболини уйғотгандек бўлди. Ҳар ёмоннинг бир яхшиси бор деганларидек, энди ички чемпионат ўйинларига бўлган қизиқиш ортди. Бу учун "Нефтчи"га раҳмат, аммо ҳакамга қўл кўтарганлар жазоланиши тарафдориман.

Муаллиф : Aslanov Jasurbek
Рейтинг: +38   

Фикрлар

championat.asia
< сўнгги янгиликларни кўриш
Яндекс.Метрика