Назорат учрашуви: "Обод" - "Олмалиқ" ёшлар жамоаси 5:1
26 дек 2015 07:50
Янгиликлар

Назорат учрашуви: "Обод" - "Олмалиқ" ёшлар жамоаси 5:1

"Олмалиқ" ёшлар жамоас элита дебютанти "Обод" жамоаси билан куч синашди.

"Олмалиқ" таркиби асосан кўрикда бўлган 1997-99 йилларда таваллуд топган футболчилардан иборат бўлди. Рақиб жамоа эса бир мунча тажрибали футболчиларни майдонга туширди. Жумладан, Алибобо Раҳматуллаев, Обид Ҳакимов, Шохруз Норхонов, Дониёр Ҳасанов каби тажрибали футболчилар "Обод" сафида ҳаракат қилишди. Биринчи таймда урилган уч гол Обид Ҳакимов ҳисобига ёзилди. Кўрикдан ўтаётган футболчиларни саралашда рақибнинг кучли эканлиги фойда берди, дейиш мумкин. Иккинчи таймда ёшларимиз ҳисобни қисқартиришга эришишди. Аммо мезбон жамоа яна икки марта гол уришга эришди.

Учрашув якунлангач, бир неча футболчи январь ойида давом этадиган машғулотларга таклиф этилиши маълум қилинди. Бу футболчилар пойтахтнинг "Чилонзор" ҳамда "Спартак" жамоалари аъзолари ҳисобланишади.

Ҳавола :

Манба : fc-olmaliq.uz

Янгиликларни Телеграмда ўқинг!

Рейтинг: