"Навбаҳор: Жабборов ва Саматов келди, Акбаров келиши мумкин

Бугун футболчилар эрталабки, машғулот чоғида кросс югуришди. Айни пайтда мураббийлар штаби жамоа аъзоларининг жисмоний ҳолатини кўнгилдагидек бўлиши учун юкламалар беришмоқда. Албатта жисмоний томондан чиниқиш орқали эса иккинчи давра баҳсларини муносиб тарзда ўтказиш имкони юзага келади.

Бугун “Навбаҳор” таркибига аввал хабар бериб ўтганимиздек, Дилшод Жабборов ва Алишер Саматов қўшилишди. Сўнгги мавсумларни Тошкентнинг “Локомотив” клубида ўтказган ярим ҳимоячи Дилшод Жабборовнинг олдида бир қатор вариантлар бўлишига қарамай, қадрдон жамоасига қайтишга қарор қилди.

Мавсумнинг биринчи ярмини Самарқанднинг “Динамо” клубида ўтказган қанот ярим ҳимоячиси Алишер Саматов ҳам иккинчи даврани "Навбаҳор" сафида ўтказиши ҳақиқатга яқинроқ. Шу кунларда таркибга Бобур Акбаровни ҳам қўшилиши кутилмоқда.