"Навбаҳор": Ёшларимизда ҳам мағлубият

Ёзёвондаги ўйинни анча кескин ва қизиқарли кечганлигини айтиб ўтиш жоиз. Натижада дарвозаларга бешта тўп киритилди. Майдон эгалари ҳисобни очишга эришган бўлсаларда кейинчалик Сардор Теляков (пенальтидан) ва Иброҳим Абдуллаевларнинг голлари туфайли ёшларимиз олдинга чиқиб олишди. Учрашувнинг якуний қисмида ҳужумкорликни оширган мезбонлар икки бор муваффақият қозониб, ғалабани илиб кетишди. Эътиборли жиҳати «Ёзёвон лочинлари» футболчилари ғалабани таъминловчи голларни сон жиҳатидан устунликка эга бўлган ҳолда киритишди. Чунки, Абдулазиз Юсупов майдондан четлатилгач, Лян шогирдлари камчиликда қолишганди.

Учрашувда ёшларимизнинг таркиби қуйидагича кўринишга эга бўлди: Амир Эргашев, Санжар Тошпўлатов, Ҳожиакбар Юнусов, Азиз Умаров, Фарруҳ Умаралиев, Азим Неъматиллаев, Сардор Теляков, Хусан Ғаниев, Иброҳим Исмалов, Иброҳим Абдуллаев, Муҳриддин Инамов.
Захирадан майдонга тушганлар: Илҳом Маликов, Искандар Сиддиқжанов, Акрам Гуллабаев, Абдулазиз Юсупов, Дилмурод Маликов, Акбар Холдоров, Элёр Эркинов, Достон Ҳотамов.