"Насаф" ОЧЛ плей-оффида қайси жамоага қарши тушиши мумкин?
27 апр 2022 09:24
Янгиликлар

"Насаф" ОЧЛ плей-оффида қайси жамоага қарши тушиши мумкин?

Бугун Қаршининг "Насаф" жамоаси ўз тарихида илк маротаба Осиё чемпионлар лигаси плей-офф босқичига йўл олиши мумкин.

"Ал Виҳдад"га қарши баҳсда "Насаф" гуруҳда қайси ўринни эгаллаши аниқ бўлади.

Агар "Насаф" бугунги ўйинда ғалабага эришиб, "Ал Файсали" дуранг ёки мағлубият қайд этадиган бўлса, жамоамиз гуруҳда биринчи ўринни эгаллайди. У ҳолда плей-офф босқичида "Насаф"га Эроннинг "Фулад" жамоаси рақиб бўлади.

Агар "Насаф" гуруҳда иккинчи ўринда қоладиган бўлса, кейинги босқичда жамоамизга Саудия Арабистонининг "Ал Шабаб" жамоаси рақиблик қилади.

Ўзбек клублари ўйнайдиган ғарбий минтақада плей-офф ўйинлари (1/8 финал) 2023 йилнинг 3-4 февраль кунлари ўтказилади.

Ҳавола :

Манба : championat.asia

Янгиликларни Телеграмда ўқинг!

Рейтинг: +37