"Насаф": "Нефтчи"га қарши ўйинга тайёргарлик бошланди
06 окт 2015 00:30
Янгиликлар

"Насаф": "Нефтчи"га қарши ўйинга тайёргарлик бошланди

Теглар : Насаф

"Насаф" жамоаси футболчилари қисқа таътилдан сўнг яна машғулотларга қайтишди.

Жамоамиз Қаршидаги қароргоҳимизда йиғилди ва 12 октябрь куни бўлиб ўтадиган "Нефтчи"га қарши ўйинга тараддудни бошлади.

Рўзиқул Бердиев қисқа таътилдан сўнг ўз шогирдларини яна жамлади ва машғулотларга киришилди.

Ўзбекистон миллий терма жамоасига чақирилган Элдорбек Суюнов, Шуҳрат Муҳаммадиев ва Туркманистон миллий терма жамоасидан чақирув олган сардоримиз Артур Геворкяндан ташқари бошқа барча футболчилар сафга қўшилишган.

Шунингдек, жамоамиз ҳимоячиси Ҳамза Каримов жароҳати боис машғулотларни умумий гуруҳ билан ўтказмаяпти.

Жамоамиз навбатдаги ўйинни 12 октябрь куни, Қарши шаҳридаги "Марказий" ўйингоҳда Олий лига 25-тур доирасида "Нефтчи"га қарши ўтказади.

Ҳавола :

Манба : fcnasaf.uz

Янгиликларни Телеграмда ўқинг!

Рейтинг: +4