"Насаф" навбатдаги йиғинни бошлади ва 5 нафар футболчи билан шартномани узайтирди
03 янв 2018 16:37
Янгиликлар

"Насаф" навбатдаги йиғинни бошлади ва 5 нафар футболчи билан шартномани узайтирди

Теглар : Насаф

"Насаф" футболчилари бугун клуб қароргоҳида йиғилишмоқда.

Навбатдаги қишки тайёргарлик машғулотлари ҳам бугундан бошланади. Бу ҳақда "Насаф" матбуот хизмати хабар берди.

Клуб раҳбарияти томонидан амалдаги шартномаси тугаган бир қатор футболчилар билан янги шартномалар имзоланди. Булар: Жасур Ҳасанов, Умарбек Эшмуродов, Санжар Қувватов, Игорь Голбан ва Драган Черан. Юқоридаги футболчилар қаршиликлар сафида тўп тепишни давом эттиришади.

"Насаф" расмий сайтида келтирилишича, айни пайтда клуб бир қатор маҳаллий ва легионер ўйинчилар билан музокаралар олиб бормоқда.

"Аждарлар" 9-22 январь кунлари Туркияда ўқув-йиғин машғулотлари ўтказишни режалаштирган. Унгача машғулотлар Қарши шаҳрида давом эттирилади.