UZ

Сўнгги янгиликлар

20:35Суперлига. "Қизилқум" – "Локомотив" 0:0 (матнли трансляция)  5 20:07Суперлига. ОКМК - «Бунёдкор» 1:0 (Матнли трансляция)  3 19:45"Ливерпуль" "Ювентус" ҳимоячисини сотиб олмоқчи  0 19:19"Челси" ва "Атлетико" "Атланта Юнайтед" ўйинчисига даъвогар  1 18:43"Манчестер Юнайтед" ва "Атлетико" "Болонья" ҳимоячисига қизиқмоқда  0 18:00Максим Шацких: "Украина терма жамоаси ҳозирги таркиб билан Еврода узоққа бориши мумкин"  16 17:26Про лига. "Машъал" сафарда "Олимпик-MobiUz" билан дуранг ўйнади  4 17:11АПЛ болбойларнинг ўйинга таъсирини чеклайди  1 16:45МЮ "Ювентус" футболчиси учун ўз вингерини беришга ва қўшимча тўлов қилишга тайёр  1 16:11"Барселона" тарбияланувчисини қайтармоқчи  2 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  1 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  9

"Насаф" иккита пенальтидан маҳрум қилиндими? Суперлиганинг 24-туридан ўрин олган ҳакамлик фаолияти таҳлили Янгиликлар

"Насаф" иккита пенальтидан маҳрум қилиндими? Суперлиганинг 24-туридан ўрин олган ҳакамлик фаолияти таҳлили

Мутахассисимиз энг баҳсли фикрларни яна бир бор таҳлил қилди.

Championat.Asia сайтининг ҳакамлик бўйича эксперти, россиялик собиқ ҳакам Анатолий Синяев ("Алё, рэф!") Суперлиганинг 24-тури ўйинларидаги энг баҳсли эпизодларни таҳлил қилди.


"Қизилқум" – "Қўқон-1912" (ВИДЕО)

Тўп учун курашда қўллардан нотўғри фойдалангани учун сариқ карточкага тортадиган ҳолат. Қизил карточка ҳақида гапириш ножоиз, чунки ҳаддан ортиқча ҳаракат содир этилмаган. Ушбу эпизодни гол уриш учун яққол имкониятдан маҳрум бўлиш дея айтиш ҳам шубҳали, чунки тўп ҳужумчининг тўлиқ назорати остида эмасди, икки ўйинчи ўртасида кураш кечаётганди, қолаверса, ҳимоячининг шериги ҳам бор эди, у айнан тўп йўналишида жойлашгандди ва яна битта курашда қатнашиши мумкин эди. Тўғри қарор - жарима зарбаси ва қўполлик учун сариқ карточка.


"Қизилқум" – "Қўқон-1912" (ВИДЕО)

Келинг, эпизодни қисмларга ажратамиз. Биринчидан, зарба вақтида дарвозабоннинг ёнида турган футболчида офсайд йўқ эди, шунингдек, зарбадан сўнг тўп қизил либосдаги ўйинчи танасининг бир қисмига тегиб кетган пайтда ҳам офсайд содир бўлмаганди. Иккинчидан, бундай ракурсдан 100% баҳо бериш анча мушкул, зарбадан кейин тўп "Қизилқум" футболчисининг қайси қисмига теккканини бундай ракурсдан аниқлаш мушкул. Менимча, катта эҳтимол билан (тўп ҳаракатининг траекториясига қаралса) тўп "Қизилқум" футболчисининг қўлига тегди. Шундан сўнг дарҳол гол урилган бўлса, бу аниқ қоидабузарлик саналади ва бу ҳолатда голни бекор қилиш керак.


"Нефтчи" - АГМК (ВИДЕО)

Бу вазиятда дарвозабон бир неча сония ичида ҳужумчидан ўзиб кетиб, қўллари билан тўпга ташланди, бинобарин тўп бу ҳолатда унинг назоратида эди. Ҳужумчи ҳам тўпга ўйнашга интилди, аммо улгурмади. Ҳеч қандай ғаразли ният, спортга хос бўлмаган аниқ хатти-ҳаракатлар, ортиқча зарба ва тажовузкор хатти-ҳаракатлар йўқ, аксинча, тўп учун икки ўйинчи ўртасида кураш кечди. Бу нормал ҳолат, шу боис дарвозабон фойдасига жарима зарбаси белгиланиши лозим.


"Олимпик" - "Металлург" (ВИДЕО)

Бу ўта оддий вазият саналади, чунки ҳакам қарор қабул қилиш учун қулай позицияда жойлашганди. "Олимпик" футболчиси ўз ҳаракатини ва тўп йўналишини ўзгартиргач, кўк либосдаги ўйинчи ортга бурилишга улгурмайди ва оёғини ён томонга (тўсиқ сингари) ташлаб, оқ либосдаги рақибининг ўнг оёғидан чалади. Бу вазиятда тўғри қарор карточка кўрсатмаган ҳолда 11 метрли жарима зарбасини белгилаш ҳисобланади. 27-рақамли кўк либосдаги ўйинчига эса спортчига хос бўлмаган хатти-ҳаракати учун сариқ карточка кўрсатиш керак, у пенальти белгиланганидан сўнг дарҳол норозилигини билдирди.


"Олимпик" - "Металлург" (ВИДЕО)

Агар қоидабузарликнинг ўзини кўриб чиқадиган бўлсак, голли имкониятдан маҳрум қилгани учун "Олимпик" футболчисига қизил карточка кўрсатилиши лозим. Қолган барча ўйинчилар тўп учун курашаётган иккала ўйинчидан ортда қолиб кетганди. Аммо қизиқарли бошқа ҳолат бор: олдинга узатма берилаётганда ичкаридан ортга қайтган кўк либосдаги ўйинчи (йиқитилган футболчининг шериги) тўпни қабул қилмайди, лекин яқин нуқтадаги рақиби томон ҳаракатланади. Шу боис, агар тўп шунчаки кўк либосдаги ўйинчининг ёнидан ўтиб кетган бўлса, бу офсайд эмас. Аммо футболчи оёғини кўтарса ёки шунга ўхшаш ҳаракат қилса, у ўйиндан ташқарида ҳолатда ҳисобланади. Эҳтимол, офсайд қайд этиш арзирли бўлиши мумкин.


"Насаф" - "Динамо" (ВИДЕО)

Оқ либосдаги ўйинчи оёғини кўтарди, биринчи бўлиб тўпни ўйнашга улгурмади, лекин иккинчи такрорий вазиятдан сўнг унинг оёғи рақиб оёғига шикаст етказмаганини кўриш мумкин. Катта эҳтимол билан, бу жуда оддий тегиниш эди, "Насаф" футболчиси эса буни бўрттириб юборди. Бу ерда ўйинни давом эттириш ва пенальти белгиламаслик керак эди.


"Насаф" - "Динамо" (ВИДЕО)

Бу эпизодда 11 метрлик жарима зарбаси белгиланиши керак эди: футболчи тўпга ўйнамади ва рақибнинг оёғидан чалди.


"Насаф" - "Динамо" (ВИДЕО)

Бу ерда тўп ўйнашга уринмай, истиқболли ҳужумни бузгани учун пенальти белгилаш ва "Динамо" футболчисига сариқ карточка кўрсатиш керак эди. Оқ либосдаги ўйинчи тўп томон эмас, балки рақиб томон ҳаракат қилиб, уни йиқитди ва дарвозаси томон ҳаракатланишига тўсқинлик қилди.


"Локомотив" - "Навбаҳор" (ВИДЕО)

Оқ либосдаги ўйинчи хавфли тарзда оёқ ташлади, сўнгра оёғини бироз кўтариб, рақиб футболчисининг болдир суягидан юқорироқ қисмига шикаст етказди. "Навбаҳор" ўйинчиси оёқни букмаган ҳолда ҳаракатланиб, рақиб оёғига зарба ҳолатини юмшата олмади. Бу вазиятда жиддий қоидабузарлик содир этилгани учун қизил карточка кўрсатилиши лозим эди.


"Бунёдкор" – "Сурхон" (ВИДЕО)

Дарвозабон тўғри позицияни эгаллаш ва тўпга ўйнашга улгурмади. Унга кўпроқ ўз жамоадошлари халал берди, "Сурхон" футболчилари ҳам кураш олиб бориши биланоқ, тўп дарвоза томон йўл олди. Гол тўғри киритилди, рақиб футболчисига дарвозабонга қарши кескин ўйнамади.


"Бунёдкор" – "Сурхон" (ВИДЕО)

Ушбу эпизодда ўйин давом этиши керак. Икки ўйинчи бир-бирига параллел равишда ҳаракатланиб, тўп учун ўйнашга ҳаракат қилмоқда ва унга интилмоқда. Сариқ либосги ўйинчи рақибни қоидаларга мувофиқ елкама-елка курашда тўпдан узоқлаштирди, тўқнашувдан сўнг рақиб мувозанатни йўқотади. “Насаф” – “Динамо” учрашувидаги эпизоддан фарқи шундаки, икки футболчининг параллел ҳаракати бор, иккала футболчи ҳам яқин масофада жойлашган. Бу ерда тўп учун кураш бўлган.


"Бунёдкор" – "Сурхон" (ВИДЕО)

Ўйин давом эттирилиши керак. Сариқ либсодаги ўйинчи тўпни олдинга ташлаган пайтда рақиб уни тўғри ҳолатда тўпдан узоқлаштиради. "Сурхон" ўйинчиси беихтиёр мувозанатни йўқотди, оёғи ҳам беихтиёр бир оз ён томонга тушади. Бу табиий ҳаракат. Кўк либсодаги ўйинчи эса тўп томон ҳаракатланаётганда рақиб оёғига қоқилади ва "Сурхон" футболчисининг оёғи беихтиёр ҳаракат туфайли "Бунёдкор" аъзосининг оёқлари орасида қолади.


"Бунёдкор" – "Сурхон" (ВИДЕО)

Бу вазиятда ўйиндан ташқари ҳолат йўқ: узатма вақтида "Бунёдкор" футболчиси рақиб билан бир хил чизиқда, ҳатто, катта эҳтимол билан, бироз ортда турганди. Ёрдамчи ҳакам қулай нуқтада турганди. Гол тўғри киритилди.


"Бунёдкор" – "Сурхон" (ВИДЕО)

Голдан кейинги қизил карточка, катта эҳтимол билан, рақиб мухлисларига нисбатан ҳақоратли, кўнгилни хира қиладиган ва тақиқланган ҳаракатлар учун кўрсатилган. Бироқ бу вазият тўғрисида стадионнинг ўзида бўлмасдан туриб, аниқ бир нарса дейиш қийин. Шунга қарамай, агар ўйинчи шунчаки тўрга чиқса, бу хавфсизлик муаммоларига олиб келади, яъни сариқ карточкага арзийди. Агар у провокацион, масхара қилувчи ёки иғволи ҳаракатлар амалга оширса, бу ҳам сариқ карточка билан жазоланиши лозим. Буларнинг баъзиларини футболчи аниқ бажарди. Қолаверса, у гол урганидан кейин футболкасини ечгани учун ҳам сариқ карточка олиши керак. Эҳтимол, у иккита эпизоднинг бирлашмаси учун қизил олган.


Шу тариқа, ҳакамлар 14 та баҳсли вазиятда 4 та яққол хатога йўл қўйишди. Қолаверса, уларнинг учтаси “Насаф” – “Динамо” учрашувида содир бўлган ва барчаси пенальти белгиланиши билан боғлиқ ҳолатлар ҳисобланади.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика