"Насаф" эртага 10 нафар асосий футболчисиз янги мавсумга тайёргарликни бошлайди

"Аждарлар" эртага, 18 декабрь куни 2020 йилги мавсумга тайёргарликни бошлашади. Янги йил байрамига қадар давом этадиган бу йиғинда жамоанинг 10 нафар асосий футболчиси иштирок эта олмайди. Сабаби Абдувоҳид Неъматов, Машҳуржон Муҳаммаджонов, Дилшод Саитов, Ҳусниддин Алиқулов, Шерзод Насруллаев, Ислом Кенжабоев, Шароф Муҳитдинов, Азизжон Ғаниев, Ойбек Бозоров ва Бобир Абдихолиқов Любинко Друлович бошчилигидаги Ўзбекистон олимпия терма жамоаси сафида Дубайга учиб кетишган.
Умуман олганда бу 10 футболчи тахминан январь ойи охирига қадар "Насаф" ихтиёрида бўлишмайди. Сабаби терма жамоамиз 8-26 январь оралиғида Таиландда ўтадиган U-23 Осиё чемпионатида иштирок этади.

Бир неча кун аввал "Насаф" клуби бош директори Сергей Кучеренко championat.asia сайтига беган интервьюси чоғида жамоанинг эгаллаган ўрнидан қониқмаганини таъкидлаган ҳамда ўз ўрнида раҳбарият Рўзиқул Бердиевга ишонишини ва унинг клубда қолишини хоҳлашини маълум қилганди.