Нарзуллани туғилган куни билан табриклаймиз!

Нарзулла бугун 24 ёшни қарши олди. Фурсатдан фойдаланиб, www.championat.asia, www.olamsport.com, www.fifa.uz сайтлари ҳамда “Футбол Экспресс” газетаси ижодкорлари номидан ҳамкасбимизни таваллуд айёми билан табриклаймиз. Нарзуллага узоқ умр, бахт-саодат ва сиҳат-саломатлик тилаймиз. Ота-онаси, ёру-биродарлари ҳамда қариндошлари бахтига доим соғ-омон бўлиб юрсин.

Ўқувчиларимиз жуда яхши билишади, Нарзулланинг www.championat.asiaда тутган роли жуда катта. У кечаю-кундуз тиним билмай ишлайди. Ўзбек футболига оид янгиликларни доим тезкорлик билан бериб боради. У ҳам журналист, ҳам таржимон, ҳам сайт админи, ҳам яхши суҳбатдош – бир сўз билан айтганда ҳар томонлама етук йигит. Қизлар кўпинча мана шундай йигитлар билан танишишни орзу қилишади.

Лекин Нарзулла ҳеч сир бой бермайди. Унинг учун оила ва иш бирламчи. У ўз касбини ниҳоятда севади. Сайтимиз ривожи учун тинмай жон койитиб меҳнат қилади. Яна бир бор журналист дўстимизни туғилган куни билан табриклаймиз. Нимаики орзулари бўлса, барчаси амалга ошишига тилакдошмиз.