Набил Маалул: "Гуруҳимиздаги кучли жамоани мағлуб этдик"

Унинг биринчи қисмида "Ал Жаиш" бош мураббийи қатнашди.

"Тошкентдан уч очко олганимиздан хурсандман. Гуруҳимиздаги кучли жамоани тўхтата олдик деб ўйлайман. Ўйин эса икки жамоа учун ҳам қийин кечди. Бунда футболчиларимизни яхши ҳаракат қилганликларида деб биламан. Яна шогирдларим берилган тактик кўрсатмаларни тўлиқ бажаришди. Асосий таркибнинг 3 футболчиси хизматидан фойдалана олмаганимиз яхши бўлмади", - дейди Набил Маалул.

- Бугун дарвозабонингиз кўп вазиятларда ўйинни чўзди. Якка курашларда эса актёрлик қилди...
- Мен ундай деб ўйламаган бўлар эдим. Ўша вазиятларда у ростан ҳам жароҳат олганди.

- Бугун қийинчиликсиз ғалаба қозонган "Ал Жаиш" нима учун ўз майдонида "Фулад"ни мағлуб эта олмаган эди. Балки ўша ўйинда тактик кўрсатмаларингиз иш бермагандир?
- Бугунги ўйин осон кечди деб ўйлай олмайман. Биз шунчаки ярим ҳимоя ва ҳимоя ўртасидаги боғлиқликни уза олдик. "Фулад" билан ҳам шундай ўйнаган эдик, аммо уларнинг ҳимоясини ёриб ўтиш қийин кечди. Таққосласам, икки жамоа ўртасидаги фарқ катта эмас.

- Бугун жамоангиз ғалаба қозонди. Бу билан ОЧЛдаги юриш бошланди деб айта оласизми? (қатарлик журналист саволи)
- Биз учун ОЧЛ биринчи ўйинда бошлаган. Бугун эса гол уриб ғалаба қозона олдик.

- Араб футболидаги симулация менталитетданми? (Бобомурод Абдулла)
- Бу сизнинг менталитетингизда бўлса керак (ушбу жавобни мураббий айтар экан, асаби бузилганидан хайрлашмай жаҳл билан залдан чиқиб кетди).