МЮ ярим ҳимоячиси Моуринью ва Погба машғулотда видео туфайли жанжаллашганини тасдиқлади

Олдинроқ, "қизил иблислар" устози Жозе Моуринью ва ярим ҳимоячи Поль Погба машғулотда жанжаллашгани ҳақида хабарлар тарқалган эди.

"Мағлуб бўлганимиздан сўнг, одамлар Погба ўйиндан сўнг ижтимоий тармоққа видео жойлагани ҳақида гапира бошлашди. Аммо бу иш аввалроқ бўлганди. Мураббий ҳам видео мағлубиятдан сўнг пайдо бўлди деб ўйлади ва Полдан нега бундай бўлганини сўради. Ҳамма шуни муҳокама қилди. Англияда бундай нарсаларга катта эътибор берилади, аммо менинг бу билан ишим йўқ.

Моуринью ва футболчилар ўртасида муносабатлар яхши, ҳаммаси жойида. Биз босимни ҳис қилмаяпмиз. Кўпчиликнинг айтишича, тез орада уни истеъфога чиқаришар экан, аммо бундай деб ўйламаймиз. Жозе бизнинг мураббий ва у учун майдонда жон беришга тайёрмиз. Ҳозир барча футболчилар хотиржам ва бахтли" - дейди Перейра.