МЮ 7та сабаб туфайли Аморимни танлаган экан

Португалиялик мутахассис "қизил иблислар" устози Эрик тен Хаг ўрнини эгаллайди. Шартнома 2027 йилгача мўлжалланган.

МЮдаги исми ошкор қилинмаган манба клуб 39 ёшли Аморимни 7та сабаб туфайли танлаганини айтди:

1. Португалиялик "синалган ғолиблик руҳи"га эга. У "Спортинг" билан икки марта чемпионатда ва икки марта Кубокда ғолиб бўлди.

2. Унда 3-4-3 схемаси асосида қурилган аниқ ўйин услуби мавжуд.

3. Унинг обрўси.

4. Ёшлар билан яхши ишлаши.

5. "Катта энергия"га эгалиги.

6. У "янги спорт тузилмасига тўғри келади ва клуб трансформациясида муҳим ролни бажаради".

7. Аморим "Юнайтед" собиқ мураббийларидан (Тен Хаг, Жозе Моуринью, Оле Гуннар Сульшер) сезиларли даражада ажралиб туради.

Манбанинг айтишича: "Рубен - биз суҳбат қурган ягона мураббий. Аввалгилари билан музокаралар бўлмаган. Биз уни биринчи рақамли номзод сифатида танладик ва Аморим билан тез ва тинч келишиб олдик.

Рубен - Европа футболидаги энг истиқболли ёш мураббий. У "Манчестер Юнайтед"га келаётганидан жуда хурсандмиз. У синалган ғолиб".