UZ

Сўнгги янгиликлар

21:40Суперлига. "Насаф" – "Олимпик" (матнли трансляция)  76 21:40"Фиорентина" "Лестер" хавбекини нишонга олди  0 21:27"Сўғдиёна"нинг ОФК Кубоги Марказий минтақа ҳудудий финал учрашувидаги рақиби маълум  3 21:19Суперлига. "Металлург" – "Локомотив" 1:1. Highlights  0 21:12"Милан" Дибала учун курашга қўшилди  0 20:58Суперлига. "Локомотив"нинг дурангсиз сериясига чек қўйилди, "Металлург" эса яна ўзи севадиган натижага эришди  8 20:50ОФК кубоги. "Сўғдиёна" "Алтин Аср"ни мағлубиятга учратиб, кейинги босқичга йўлланма олди  51 20:46"Тоттенхэм" "Барселона" ҳимоячисини ижарага олади  0 20:30ПСЖнинг асосий трансфер мақсадлари маълум  0 20:12Неймар клубини ўзгартиришга рози  8 19:55Лукаку "Интер"да ўзи учун ноодатий бўлган рақамни олди  0 19:47Беларусь. "Энергетик-БГУ" кубокда кейинги босқичга чиқишига ҳамюртларимиз қандай ёрдам беришди?   2 19:28Эшитдик-да! Диёржон Туропов "Навбаҳор"га ўтмоқда  9 19:14Суперлига. "Насаф" – "Олимпик". Таркиблар маълум  5 18:53ПСЖ "Порту" ўйинчисининг трансфери борасида келишувга эришди  3

"Мусобақадан олдин Туркманистон гуруҳда ҳар бир рақибдан нечта гол ўтказади деб сўраганлар ҳам бўлди". Аҳмед Агамуродов билан катта интервью Янгиликлар

"Мусобақадан олдин Туркманистон гуруҳда ҳар бир рақибдан нечта гол ўтказади деб сўраганлар ҳам бўлди". Аҳмед Агамуродов билан катта интервью

U-23 Осиё кубогида Туркманистон терма жамоаси кўпчилик учун кутилмаганда гуруҳдан кейинги босқичга чиқди.

Биз чорак финалдан олдин терма жамоа устози Аҳмед Агамуродов билан суҳбатлашдик.

- Туркманистон U-23 терма жамоасини чорак финалга чиққани билан табриклаймиз. Дастлаб гуруҳ босқичи ҳақида гапириб берсангиз? Қандай қийинчиликлардан ўтдингиз?

- Табриклар учун раҳмат. "А" гуруҳида мезбон Ўзбекистон терма жамоаси бор эди. Бундан ташқари Қатар ва Эрон каби қитъанинг кучли терма жамоалари ҳисобланади. Уларга қарши муносиб ўйнаб чорак финалга чиққанимиздан хурсандман. Жуда ҳам шиддатли ўйинлар намойиш этдик. Сўнгги турда Қатарга 0:2 ҳисобида ютқазиб туриб, якунда дурангга эришиб, чорак финалга йўлланма олганимиздан фахрланаман.

- Илк ўйин ва дарҳол мезбонларга қарши. Тўлиб-тошган стадион. Жамоаингиз бундай босимни қандай енгиб ўтди? Ахир Туркманистон терма жамоаси футболчилари ҳаяжонланишмагани сезилди...

- Тайёргарлик вақтидаёқ Ўзбекистон терма жамоаси қанчалик кучли эканлигини билардик. Очилиш ўйинида стадиондаги муҳит ҳам қаердадир Ўзбекистонга ёрдам бергандир. Қаердадир эса бизга ёрдам берган бўлиши мумкин, сабаби мезбонлар ўз мухлислари қаршисида ҳаяжонланишгани бор гап. Бизнинг таркибимизда Туркманистон олий лигасида ўйнайдиган футболчилар бор. Баъзилари ОЧЛда ҳам ўйнаган. Гол ўтказиб юборганимиздан кейин олдинга ўтиб ҳисобни тенглаштиришга уриндик. Илк турда ютқазиб қўйдик, аммо ҳеч қиси йўқ. Асосийси гуруҳдан кейинги босқичга чиқдик.




- Агар Ўзбекистонга қарши иккинчи марта ўйнаганингизда очко олишингиз мумкинмиди?

- Бу саволга жавоб бериш осон эмас. Ўйлайманки бу саволга жавоб бериш учун мана шу ўйинни ўтказиш керак. Балки финалда Ўзбекистон билан тўқнаш келармиз (кулади). Агар шундай бўлса бахтли бўлардим. Ўшанда барчаси ойдинлашарди. Ўзбекистон терма жамоасига ҳам омад ёр бўлсин, уларга финалга қадар етиб боришларини тилайман.

- Иккинчи турда Эронни мағлуб этдинглар. Иккинчи таймда рақиб футболчиси четлатилгани сизларга ёрдам бердими?

- Эронга қарши баҳс биз учун оғир бошланди. Илк турдаги мағлубиятдан кейин йигитлар кўп куч ишлатишди ва балки иккинчи турга тўлиқ тиклана олишмагандир. Аммо ҳисобни тенглаштирганимиздан кейин жамоамиз ўзига ишонишни бошлаганини кўрдим. Иккинчи таймда ўз ўйинимизни кўрсатишга ва ғалаба қозонишга интилдик. Рақиб футболчиси четлатилгани эса, агар статистикага қарасангиз бу бизга ёрдам берди. Шундан кейин тўп назоратини ўз қўлимизга олдик ва кўпроқ ҳужум қилдик. Учинчи голни ҳам уришимиз мумкин эди. Шу боис саволингизга ҳа, рақиб сафидаги четлатиш бизга ёрдам берди дея оламан.

- Эронга қарши ўйиндан кейин мусобақадаги мақсадлар ҳақида савол пайдо бўлди. Мусобақадан олдин қандай мақсад ва вазифалар қўйилганди? Ахир, қандай вазиятда қуръа сизлар учун омадли бўлмаганди.

- Эронга қарши ўйиндан кейин матбуот анжуманида кўпчилик қуръадан кейин бизга ишонишмаганини айтдим. Бундан ташқари шахсан ўзимга ҳар бир терма жамоадан нечтадан гол ўтказасизлар деган саволлар ҳам беришди. Бу нарса барибир ёқимсиз ҳолат эди. Аммо шундай гап-сўзлардан кейин гуруҳдан чиқа олганимиз икки карра қадрли бўлди. Энди Австралияга қарши баҳсга тайёргарлик кўряпмиз. Бу баҳсда боримизни беришга ва ярим финалга чиқишга ҳаракат қиламиз.

- Қатарга қарши баҳсдаги камбэк барчани хайрон қолдирди! Бегенчмурод Мурадовга захирадан майдонга туширишдан олдин нима дедингиз ва у иккита гол урди?

- У терма жамоамизнинг асосий футболчиси. Афсуски Ўзбекистонга қарши баҳсдан кейин оёғида оғриқ ҳис қилди. Шу боис Эрон билан ўйинда майдонга туша олмади. Балки бу хордиқ унга ёрдам бергандир. Қатар билан ўйин бошидан уни тушириб таваккал қилгим келмади. Майдонга тушиб, ҳисобни ўзгартириш учун жамоага ёрдам беришини айтдим. Бутун жамоага раҳмат айтаман, барча футболчилар Бегенчмурадга иккита гол уришига ёрдам беришди.




- Сизнинг жамоаингиздан кимларга эътибор қилиш керак? Хориж клубларидан кимгадир қизиқиш бўлдими?

- Мен бир футболчини алоҳида кўрсатмоқчи эмасман. Бутун жамоани айтган бўлардим. Футболчиларимга қизиқиш эса бу агентлар ва хориж клубларининг иши. Йигитларим катта ишни амалга оширишди ва ҳозирги кунга келиб яхши натижа қайд этишди. Аммо тўхтаб қолиш керак эмас ва кейинги босқчига чиқишга ҳаракат қилиш лозим.

- Жамоангиздан кимларни алоҳида кўрсатиш мумкин?

- Ўзбекистон терма жамоасидан биринчи навбатда сардорни (Жасур Жалолиддинов) ажратиб кўрсата оламан. Ундан ташқари яна савияли футболчилар бор. Ўзбекистон терма жамоасининг ўйини менга жуда ёқади. Улар замонавий футбол намойиш этишади. Шу боис футболчилар эмас кўпроқ бош мураббий Тимур Кападзени ҳам алоҳида кўрсатишим мумкин.

- Отангиз Тачмурад Агамуродов, Ўзбекистонда ишлаган энг машҳур мураббийларидан бири ҳисобланади. У кўплаб клубларимизда ишлаган, "Қизилқум"даги фаолиятидан кейин ҳеч қаерда кўринмай қолди. Отангиз ҳозир қаерда ишлаяпти?

- Отам қаерда ишласа ҳам унинг ишини кузатиб борардим, мухлислик қилардим. Айни пайтда отам ҳеч қаерда ишламаяпти. Ўзбек клублари ва Ўзбекистон терма жамоаси ўйинларини томоша қилиб келмоқда.

- Бу мусобақада отангиз ўз маслаҳатлари билан ёрдам бердими?

- Бу сир эмас, отам доим жамоа билан бирга ва машғулотларда хатоларимни тўғрилаб туради. Қайсидир вазиятларда баҳслашамиз ҳам. Бу ерда бизга ёрдам бераётганидан хурсандман. Отам Ўзбекистонда яшаётган бўлса ҳам ҳеч қачон туркман эканлигини утунмайди.




- Олдинда Австралияга қарши чорак финал ўйини. Кучли рақибга қарши ўйинга қандай тактика танлайсиз?

- Ўйлашимча ўйиндан олдин қандайдир тактика ҳақида гапириш нотўғри бўлса керак. Мураббийлар штаби билан ўйинга тайёргарлик кўряпмиз. Менга ёрдам бераётган ҳар бир мутахассисга раҳмат айтаман. Жамоадаги ҳар бир инсон Австралия билан баҳсга жиддий тарзда тайёргарлик кўрмоқда. Агар нимадир ўхшамаса ва муносиб ўйнаб, мағлуб бўлсангиз баъзида хафа бўлмайсиз. Доим рақибни ҳурмат қилиш керак.

- Интервью учун миннатдорчилик билдирамиз! Чорак финалда омад ёр бўлсин!

- Ижобий тилаклар учун раҳмат айтаман. Ўзбекистонлик мухлислар бизнинг ўйинимиздан завқ олишлари учун боримизни берамиз. Интервью учун сизга ҳам катта раҳмат!

Евдоким Раимов суҳбатлашди

Рейтинг: +18   

Фикрлар

+5   
10 июн 18:13:47
Хамес19
Кардошларга омад тилаймиз. Мавзудан ташкари битта фикр келиб колди Япония ва Корея кетма кет кучли жамолар билан уйнаяпти. Бизхам Козогистон ФФ билан хамкорлик килишимиз керак саралашда козоклар майдонига келадиган кучли жамолар билан 2-3 кун аввал ё кейин(таквимга караб) Тошкентда хам битта уйин уйнаб кетишига келишиш керак албатта яхшигана сокка билан. Каёкдаги 4 сорт жамолардан кура яхширокми дейманда.
+2   
10 июн 20:06:35
WWW
Шу савол бериш маданияти йуу да, нима эмиш захирадан тушайоткан уйинчига нима дедииз ?????? Шу хам саволми биринчи дан кимга кизиги бор иккинчидан узимизи дарвозага гол ур демейдию ....гапирсанг гап купда бу тунка журналистларга
+1   
10 июн 20:10:27
Muhammadxon Mamatov
Кардашлар бн финалда кўришайлик Ўзбдан бошқа ҳаммани ютаверинглар омад
+1   
10 июн 20:06:33
Dostonsher Yuldashov
Olga Turkmenlar. Omad sizlarga Avstraliya bilan o'yinda
+1   
10 июн 18:39:12
TeMuR1994
yomon millatchi xalqda sandan birov soradimi turkmanligini unutganmi yoqmi deb
   
11 июн 10:22:39
Дильшод
Саволга каранг, Австралияга карши кандай тактика танлайсиз? Тупой савол юмшок килиб айтганда. Хозир сенга хамма ишини ташлаб хаммага уйиндан олдин тактикасини, режаларини очик ойдин ,хаммага айтиб беради
   
11 июн 09:08:06
KONONER 1986 bakr
Aytim familya Juda tanishdek desam Ozimizdan ekanku omad murabiy va jamoaga
   
11 июн 03:54:17
Dilmurod Hasanov
2 ta muhim savol qolib ketibdi. Birinchisi, terma jamoangiz bilan osh yedingizmi? Ikkinchisi, Eldor Shomurodovning oʻyinlarini kuzatyapsizmi?
   
11 июн 03:52:56
Dilmurod Hasanov
Turkmaniston termasiga omad! Qoʻshnilar bilan finalda oʻynaylik.
   
10 июн 18:58:31
Бахтийор Ашуров
Мураббийлик фаолиятига ва туркман биродарларларимизга омад!
   
10 июн 18:36:49
Abu bakr siddik
Ot ornini toy bosadi
   
10 июн 18:20:55
Санджар
Омадилани берсин, Туркман дустларимиз! Юзилар ёруг булсин!
   
10 июн 18:07:22
Belconnen FC
Turkman birodarlarimizga Avstraliyaga qarshi o'yinda omad tilaymiz! Jamoa guruhda yaxshi taassurot qoldirdi.
   
10 июн 17:59:22
Nasaf n_1
Omad yor bo'lsin qardoshlar
-1   
10 июн 18:54:52
Davronbek Beshariq
Омадини берсин. Лекин берилган саволларни савияси паст...
championat.asia
< сўнгги янгиликларни кўриш
Яндекс.Метрика