Мурод Исмоилов: "Юрий Вазгенович мухлисларни чемпионликка ўргатиб қўйган"

"Ўйин биз учун кутилганидек оғир ўтди. "Бунёдкор" чиройли ўйин намойиш этди. Маҳорат бобида уларнинг устунлиги кўриниб турди. Бироқ, биз тўпдан кўра ўйин
назоратига эътибор қаратдик. Бир томондан, омадимиз ҳам келди. Икки маротаба тўп устунга тегиб қайтди. Керакли натижага эришга олдик.

Чарчаб қолиш? Захирамизда ҳам яхши футболчилар бор. Уларнинг кучидан фойдаланиб ўйинимизни намойиш этамиз. Имкон даражасида тўғри дастур бўйича ишлашда давом
этамиз. Бундан ташқари биз фақат чемпионатда қатнашмоқдамиз. Кубок ўйинларини эса тарк этдик. Насиб қилса, натижа кўрсата оламиз.

Биринчи ўринда Мансур Саидов, шукурали Пўлатов каби футболчиларнинг қайтиши билан жамоадаги муҳит ўзгарди.
Бундан ташқари машғулотлар жараёнига ҳам ўзгаришлар киритилган. Фёдоров ҳам жамоага катта ёрдам бермоқда.

Кўрсатмаларимни йигитлар тўғри бажаришди. Қўлимиздан келганича ўйин намойиш этдик.

Олдимизда Кубокни ютиш ёки чемпионлик каби вазифалар йўқ. Аммо, биз ҳар бир ўйинда мухлисларни хурсанд қилишга ҳаракат қиламиз. "Оқ-Тепа"га қарши ўйинда деярли иккинчи таркибга имкон бергандик. Барчаси руҳият билан боғлиқ. Мен учун натижа эмас, академияни шакллантириш, келажак учун яхши футболчилар тарбиялаб бериш муҳим. Натижа бирданига бўлиб қолмайди. Энг асосийси, келажак учун яхши пойдевор тайёрлаш. Юрий Вазгенович мухлисларни чемпионликка ўргатиб қўйган.

Бугунги кунда футболимизнинг энг асосий муаммоларидан бири дарвозабонлар. Бугунгача "Нефтчи"да Черемисин савиясидаги посбон бўлмаган. Шу сабабли, уни жамоага таклиф қилганмиз. У яхши дарвозабон.

Бугунги каби тактик схемага Туркиядаги йиғин давомида тайёргарлик кўргандик. Тактика ҳам рақибнинг салоҳиятига қараб танланади. Йиғин давомида синаб кўрган услубларимиз ўз фойдасини кўрсатмоқда.

Фарғоналик мухлисларга катта раҳмат айтаман. Уларнинг қўллаб-қувватлаб тургани биз учун катта мадад бўлди. Вақтларини аямасдан келишгани учун миннатдорчилик билдираман.


Азиз Тўхтамуродов