"Муҳими болалар хурсанд". "Насаф U-14" ва "Андижон U-14" бош мураббийларининг ўйиндан кейинги фикрлари
04 окт 2021 18:01
Янгиликлар

"Муҳими болалар хурсанд". "Насаф U-14" ва "Андижон U-14" бош мураббийларининг ўйиндан кейинги фикрлари

Ўзбекистон U-14 чемпионатининг илк очилиш учрашувида "Насаф U-14" ва "Андижон U-14" жамоалари ўзаро куч синашди.

Муросасиз ва курашларга бой кечган ўйинда Қаршилик ёш футболчилар рақибларини кичик 1:0 ҳисобида таслим қилди. Ўйиндан сўнг икки жамоа бош мураббийларининг фикрларини тингладик.

Ислом Аҳмедов ("Андижон U-14" бош мураббийи) - Аввало "Насаф" жамоасини ғалаба билан табриклайман. Биринчи ўйин бўлгани учун болалар бироз ҳаяжонланди. Кейинчалик ўзларига келиб олишди. Тўпни назорат қилган вақтимизда ҳужумларимиз самарасиз кетди. Бугунги ўйинни қайтадан кўриб чиқамиз. Ташкилотчилик проффессионал даражада, дея оламан.

Зафар Очилов ("Насаф U-14 бош мураббийи) - Рақибимиз "Андижон U-14" яхши жамоа экан. Гуруҳда бизга қарши тушганидан сўнг ўзим қизиқиб ўрганишни бошладим. Худога шукур ғалаба қозондик. Болаларга ҳаракат қилишгани учун раҳмат айтаман. Навбатдаги учрашувга тайёргарлик кўришни бошлаймиз. Муҳими болалар хурсанд.

Ҳавола :

Манба : championat.asia

Янгиликларни Телеграмда ўқинг!

Рейтинг: +9