МТЖда ўзгариш: Гизимчук ўрнига Раҳимов

Шу пайтгача қадар дарвозабонларни шуғуллантириб келган Пётр Гизимчук терма жамоа билан хайрлашди ва ўрнига "Бунёдкор" дарвозабонлар мураббийи Абдусаттор Раҳимов таклиф этилди. Бу маълумотни терма жамоа устози Миржалол Қосимов ҳам тасдиқлади.

"Пётр Гизимчукка биз билан ҳамкорлик қилгани учун миннатдорчилик билдираман. Аммо бундан буён терма жамоада Абдусаттор Раҳимов фаолият олиб боради. Абдусаттор Раҳимов билан "Бунёдкор"да бирга ишлаганмиз. Гизимчук билан илиқ муносабатда хайрлашдик, орамизда ҳеч қандай гап бўлгани йўқ", - дейди Миржалол Қўшоқович.