Моуринью: "Умид қиламан, Марсьяль шартномасини узайтиради"
03 ноя 2018 13:28
Янгиликлар

Моуринью: "Умид қиламан, Марсьяль шартномасини узайтиради"

"Манчестер Юнайтед" бош мураббийи Жозе Моуринью жамоа форварди Антони Марсьяль янги келишувга эришиши ҳақида гапирди.

22 ёшли футболчининг шартномаси кейинги ёзда ниҳоясига етади. Лекин, клубда уни автоматик тарзда яна бир йилга узайтириш имконияти бор.

"Мен шартномаларни муҳокама қилмайман. Ҳатто, ундаги суммалар ҳақида ҳам билмайман ва бундай музокараларда қатнашмаслигимдан мамнунман. Албатта, умид қиламан, биз у билан келиша оламиз.

У иқтидорли ўйинчи ва ҳамма буни у "Монако"далигидаёқ биларди. Бундан ташқари, у бир маромда ўйнайди ва футболни яхши тушунади. Қачон сиз бундай даражага чиқсангиз ёки ўша даражага яқинлашсангиз топ ўйинчига айланасиз. Иқтидорли ўйинчи бошқа, топ ўйинчи бошқа", - деди Моуринью.