Моуриньо ва Венгер "Тоттенхэм" ҳужумчисини танқид қилишди
02 июн 2019 22:18
Янгиликлар

Моуриньо ва Венгер "Тоттенхэм" ҳужумчисини танқид қилишди

Хабарингиз бор, кеча ЕЧЛнинг ҳал қилувчи баҳсида «Ливерпул» клуби «Тоттенхэм» устидан зафар қучиб, ўз тарихида 6 маротаба мусобақанинг бош соврин эгасига айланди.

Мазкур ўйинни эксперт сифатида beIN Sports телеканали орқали машҳур мутахассислар Жозе Моуриньо ҳамда Арсен Венгер шархлаб боришганди. Уларнинг иккиси ҳам «шпорлар» форварди Харри Кейнни танқид қилишди.

«Кейн соя остида қолиб кетди. Режа бўйича у орқага қайтиб, футболчилар билан бўглиқликни таъминлаши керак эди. Одатда у жарима майдони чизиғи ёнида тўпни қабул қилиб олади ва айланиб, қанот футболчиси сифатида олдинга югуради. Бу сафар эса у ўзига юкланган вазифани бажара олмади», – дея қайд этган Жозе.

“Биз Кейн ҳақида кўп гапирдиқ. Бироқ, у ўйинга тайёр эмасди. Умумий олганда, «Тоттенхем»да фақат Сон хавфлироқ кўринди. Айниқса, Трентнинг ортидан тўпни ўзига қабул қилиб олганидан сўнг”, – дейди Венгер.

Ҳавола :

Манба : beIN Sports

Янгиликларни Телеграмда ўқинг!

Рейтинг: +20