Михаило Зварич: "Сардоримиз майдонда бўлганда, натижа буткул бошқача бўларди"
03 окт 2024 17:07
Янгиликлар

Михаило Зварич: "Сардоримиз майдонда бўлганда, натижа буткул бошқача бўларди"

Футзал бўйича жаҳон чемпионати 1/2 финали доирасида Бразилияга қарши ўйиндан сўнг (2:3) Украина терма жамоаси ҳужумчиси Михаило Зварич сайтимизга интервью берди.

"Бразилия билан тенгма-тенг курашиб, якунда мағлубиятга учраганимиз ачинарли. Украина жуда кучли Бразилияга қарши муносиб ўйин кўрсата олди. Бизда ҳақиқий жамоа, бирдамлик мавжуд. Шу туфайли ҳар қандай жамоага қарши тенгма-тенг кураша оламиз. Барча йигитлар яхши ўйин намойиш этишди. Шунчаки, бугун бизнинг кунимиз эмас экан.

Сардоримизнинг жароҳат олиб, майдонни тарк этгани ҳам ўз таъсирини ўтказмасдан қолмади. У майдонда бўлганда, натижа буткул бошқача бўларди. Биз унинг йўқлигини билдирмаслик учун ҳам мардонавор курашишга ҳаракат қилдик", деди Зварич.