UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  10 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  7 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Мисрдаги мусобақага тайёргарлик қандай кетяпти? Мақсадлар қандай? - Дмитрий Ким билан интервью Янгиликлар

Мисрдаги мусобақага тайёргарлик қандай кетяпти? Мақсадлар қандай? - Дмитрий Ким билан интервью

31 май куни сайтимиз орқали Мисрда U-20 Араб Кубоги мусобақаси бўлиб ўтиши ҳақида хабар бергандик.

Ушбу мусобақада 2003 йилда туғилган футболчилардан иборат Ўзбекистон U-18 терма жамоаси U-20 сифатида иштирок этади. Бу йилги турнир 20 июнь куни старт олади ва 6 июлга қадар давом этади. Вакилларимиз "D" гуруҳида Яман, Тунис ва Саудия Арабистонига қарши ўйнайди. Жами иштирокчилар 8тани ташкил этяпти. Дмитрий Ким бошчилигидаги ёшларимиз айни пайтда Тошкентда ўқув-машғулот йиғинини олиб бормоқда. Кеча терма жамоа аъзолари "Олимпик" U-18 клубига қарши назорат учрашувида майдонга тушишди. Биз эса мазкур баҳсдан сўнг терма жамоа бош мураббийи Дмитрий Кимнинг фикрлари билан қизиқдик.

- Дмитрий Макарович Мисрдаги халқаро мусобақага тайёргарлик қандай кетяпти? 

- Шуни айтишим мумкинки, Мисрдаги турнирдан биз жуда кеч таклиф олдик. Шу боис тайёргарлик учун олдимизда вақт кам эди. Бунга қадар фақат ўтган йили бир маротаба йиғин ташкил қилинганди. Уларнинг қандай ҳолатда эканлигини билиб олиш бироз қийин эди. Йиғинни 30 нафар футболчи билан бошладик. Қисқа фурсатда таркибни аниқлаб олиш ва тактик ишланмаларни кўздан кечиришда айрим муаммолар юзага келди, дея оламан. 

- Биламиз бунга қадар "Чиғатой" футбол мактабида фаолият олиб бораётган эдингиз. Лекин терма жамоа бу ўз номи билан терма жамоа...

- Ҳа бу - терма жамоа. Унда турли клублардан йиғилган футболчилар бор. Лекин ҳали юз фоиз шулар ўйнайди, дегани эмас. Яна номзодлар бор. Халқаро турнирдаги тажриба бизга кейинги ишларимизда катта ёрдам беради. Футболчилар ўзларида ишонч ҳосил қилиш учун ҳам бундай мусобақалар керак. Бизга эса уларнинг катта аренада нималарга қодирлигини ва имкониятларини янада яхши билиб олиш имконини беради. 

- Бундай ёш ўйинчи учун катта футболга ўтиш жараёни ҳисобланади....

- Ҳа, буни ўзига яраша қийинчиликлари бор. Терма жамоада 30 нафар футболчи бўлса, ҳар бирининг характери турлича. Футболни тушуниши ҳам бошқа даражада. Ўйлайманки, улар биздан нимани талаб қилаётганимизни билишади. Энг қийин нарса эса барқарорликни таъминлаш. 

- Терма жамоадаги аксарият футболчилар U-18 чемпионатида иштирок этишади. Бугунги кунда ушбу чемпионат ҳақида фикрингиз қандай? Боиси Мисрдаги турнир U-20 остида ўтказилади...

- Мисрда ташкиллаштириладиган мусобақада иштирок этадиган жамоаларнинг даражаси кўпроқ ўринбосарлар чемпионатига яқин. Бизнинг терма жамоада эса кўпи U-18 чемпионатида, Биринчи лигада тўп тепади. Кимдир захирада, яна кимдир асосий таркибда ўйнайди.  

- 17-рақамдаги футболчи тезлиги ва техникаси ҳамда индивидуал маҳорати эътиборимни тортди...

- Ҳа, унинг исми Шоҳжаҳон Умаров, "Бунёдкор" клуби футболчиси. Ўйин сифати яхши. Лекин янада ишлаши керак бўлган жиҳатлари ҳам йўқ эмас. Умуман олганда барча йигитлар иқтидорли. Фақатгина уларга вақт ва кўпроқ имконият керак. Терма жамоа эшиги ҳамма учун очиқ. Ҳар бир номзодни диққат билан ўрганиб чиқамиз. 

- ЎФА билан бўлажак режалар ҳақида гаплашиб олдингизми? 

- Осиё чемпионати Тошкентда ўтказилади. Масъулияти юқори бўлган мусобақага муносиб тайёргарлик кўришимиз талаб қилинади. Бош мақсад - Жаҳон чемпионатига йўлланма олиш. 

Абдулазиз Искандаров суҳбатлашди

Рейтинг: -3   

Фикрлар

championat.asia
< сўнгги янгиликларни кўриш
Яндекс.Метрика