Мирзакамол Камолов: "Мағлубиятнинг сабаблари кўп"

- Мағлубиятга етарлича сабаблар бор. Биринчи навбатда рақибни менсимаганимиз энг катта айбимиз. Бу баҳона эмаску, аммо табиий майдонга мослашишимиз қийин кечди. Биласиз, "Оқ-тепа" уй учрашувларини сунъиий қопламали майдонда ўтказади. Машғулотлар ҳам шу ерда бўлиб ўтади. Шунинг учун табиий майдонда қийинчиликка дуч келдик. Аммо олий лигани кўзлаган жамоа учун бу баҳона бўла олмайди. Шу сабаблар ўлароқ биз ўзимиз хоҳлаган ўйинни кўрсата олмадик ва мағлубиятга учрадик.

"Локомотив-БФК" яхши жамоа. Мезбонларнинг ҳимоя чизиғида тажрибали футболчилар ўйнади. Аммо улар қарши ҳужумда тўп суришди ва бизни жазолашди. Биз ўз имкониятларимиздан фойдалана олмаганимиз туфайли ютқаздик. 3-тур ўйинлари старт олгунига қадар 10 кундан ошиқроқ вақт бор. Бу муддат оралиғида машғулотларда янада зўр бериб ишлаймиз. Камчиликларимизни бартараф қилишга ва қолган ўйинларни ютишга ҳаракат қиламиз. Сабаби, бизни энди мағлубият қониқтирмайди, - дейди Камолов.

"Оқ-тепа" матбуот хизмати