Мирхолдиршаев, Меҳмонов, Турдиалиев "Андижон"да

"Бургутлар" учун бегона бўлмаган Шуҳрат Мирхолдиршаев билан Жаҳонгир Меҳмонов бугун клуб базасига ташриф буюрди.

Айтиш керакки, ушбу футболчилар "Андижон"га машғулотларда иштирок этиш келгани йўқ, бундан кўзланган мақсад жамоа раҳбарлари билан музокара ўтказиш эди. Мирхолдиршаев жароҳат туфайли бу йил ўйиндан ташқари холатда қолганди.

Тажрибали футболчи айни пайтда ҳам шифокорлар кўригида бўлиб турибди. 15 январга қадар Шуҳрат майдонга туша олмаслиги айтилмоқда. Агарда у "Андижон" билан шартнома борасида келиша олса, клубнинг январь ойида Тошкентда ўтадиган йиғинида қўшилиши мумкин.

Жаҳонгир Меҳмоновнинг эса "Навбаҳор" билан тузган битими шу йилнинг охирида поёнига етади. Агарда ҳимоячи унгача бургутлар билан бир тўхтамга келса у ҳам иккинчи йиғинда иштирок эта бошлайди.

Юқоридаги футболчилардан ташқари "Андижон" лагерига бугун Фарруҳ Турдиалиев ҳам келди. "Нефтчи" посбони катта эхтимол билан келгуси йил Азамат Абдураимов жамоасида ўйнайди. 24 ёшли дарвозабон эртадан жамоа машғулотларида иштирок этиши кутилмоқда.