Миржалол Қосимов: "Дурангга мос ўйин бўлди"

- Ҳақиқатдан ҳам бир-бирига муносиб, рақобатбардош жамоалар бугун майдонга тўқнаш келди, дербига хос ўйин бўлди. Кўрдингиз, йигитлар ёмон ўйнамади, курашишди, вазиятлар яратишди. Кейинчалик футболдаги қонун "Сен урмасанг сенга уришади" деган қонун ўз кучини кўрсатди. Ўйин сифати борасида камчиликлар бор, буни тан олиш керак. Энди ўткинчи ўйинлар қолмади. Биринчи голни ўз хатомиз туфайли ўтказиб юбордик. Кейинчалик ҳисобни тенглаштиришга ҳам эришдик. Иккинчи бўлимда рақибнинг чиройли комбинацияси туфайли гол ўтказиб юбордик. Шунга қарамасдан ўзимизда куч топа олдик. Иккинчи бўлимда кўплаб вазиятлар бўлди. Ўйин дурангга мос эди, деб ўйлайман. Нима ҳам дердим, "Локомотив"ни ғалаба билан табриклайман.

Омад ёки маҳорат? Футболда икки жиҳат ҳам жуда керак. Иккинчи бўлимни оладиган бўлсак, Абдуллаев озгина маҳорат етишмади. Райевац эса кучли ҳужумчи. У бундай вазиятлардан фойдалана олади. Шу боисдан унга омад етишмади, деб ўйлайман. Шунга қарамай, шогирдларим билан фахрланаман. Олдимиздаги мақсад ОЧЛга чиқиш. Шу боисдан бу ерда фақатгина очко йиғиш керак. Кийиниш хонасида йигитларга ўйин тарихга айланганини, кейинги ўйинга бошни тик кўтарган ҳолда чиқишимизни айтдим. Мухлисларга ёқадиган ўйин бўлди. Секин-секин камчиликларни тўғрилашга ҳаракат қиламиз.

Орада кичик танаффус бўлганда Райевац жароҳат олганди. Нурматов ҳам "Бухоро"га қарши ўйинда яхши ўйнади, кубокда голлар урди. Райевац ёмон ҳужумчи эмас, у бекорга "Бунёдкор"га таклиф қилинмаган. Аммо барчаси ўзининг қўлида.

Хуршид Ғиёсов: - "Бунёдкор" мухлислар учун ўйнайди. Ғалаба қозонишни жуда истадик. Бунинг учун кўплаб вазиятларга эга бўлдик, бироқ бундан фойдалана олмадик. "Локомотив"ни ғалаба билан табриклайман.