UZ

Сўнгги янгиликлар

08:11Аспиликуэта Лэмпардни мақтади   0 07:52Хоакин “Бетис” сафида рекорд ўрнатди   0 07:32Гвардиола ўзидан сўнг “Манчестер Сити”ни ким бошқаришини айтди   3 07:30Coca Cola Суперлигаси. Бугун "Пахтакор" Бекободда, "Навбаҳор" Жиззахда ўйнайди  10 01:03Жаҳон чемпионати финали жуфтликлари: Бугун тўрт нафар боксчимиз олтин медаль учун жанг қилади  4 01:00Усейн Болт ўз жамоасига кимларни олишини айтди  1 00:40Гвардиола фаолиятидаги энг қийин рақибни айтди  13 00:20"Реал"нинг собиқ футболчиси жамоани бошқариши мумкин  4 23:57Бернарду Силва: "Одамлар биз ҳақимизда исталганча гапиришлари мумкин"  2 23:45Сульшер: "Лукаку ва Санчесни қўйиб юбориб, тўғри иш қилдик"  0 23:25"Барселона" Фати борасидаги қарордан мамнун эмас  9 23:11Европа лигасида ҳафтанинг энг яхши футболчиси эълон қилинди  0 22:55Алиссон "Челси"га қарши баҳсни ҳам ўтказиб юборади  1 22:40Это`O: "Барселона"да ўйнаш - ажойиб идишда вино ичиш кабидир"  1 22:28ЕЧЛда ҳафтанинг энг чиройли голи аниқланди  2

Миржалол Қосимов: "Аввалига ўзимизга ўзимиз муаммо яратдик ва.." Янгиликлар

Миржалол Қосимов: "Аввалига ўзимизга ўзимиз муаммо яратдик ва.."

ОЧЛ-2019 саралаш босқичи доирасидаги АГМК - "Истиқлол" (4:2) учрашувидан кейинги матбуот анжуманининг иккинчи қисмида олмалиқликлар бош мураббийи Миржалол Қосимов қатнашди.

Миржалол Қосимов: - Тўғрисини айтсам, жуда ҳам қийин ўйин бўлди. Русларда бир гап борку: "Аввал ўзимизга муаммо яратамиз ва кейин уни қаҳрамонларча тўғрилаймиз". Бугун ҳам шунга ўхшаш ҳолат кузатилди. Футболчилардан миннатдорман. Улар барча кўрсатмаларни яхши бажаришди ва учрашув боришида турли хил ҳолатларда ўзларини йўқотиб қўйишмади. Рақиб ҳақида ҳам илиқ фикрларни билдириш мумкин. Бу жамоа мунтазам ОФК кубогида ўйнайди ва футболчиларида халқаро тажриба етарлича. Бизда эса Дубайдаги йиғинда ҳам ҳали тўлиқ бир жамоа тўпланмаганди. Шунга қарамай футболчилар қисқа вақт ичида бир жамоага айланиб, дастлабки ўйинда яхши ҳаракат қилишди.

Ўйинга бурилиш ясаган захира? Очиғи, ҳисоб 2:1га ўзгаргач иккита ҳужумчи орқали вазиятни яхшилашга қарор қилдим. Нима дедим?  Бу орқали рақиб ҳимоясига босимни кучайтириб, уларни издан чиқаришни кўзлагандик. Майдонга тушган футболчилар кўрсатмаларни аъло даражада уддалашди. Кўпроқ ҳужумга ўтиш ва иккинчи қаватда имкониятни излашни таъкидлагандим. Юқори босим натижасида ўйланган натижага эришганимиздан хурсандман.

Келаси учрашувгача вақт кам. Аммо эртага мазкур ўйинни чуқур таҳлил қилиб, қаерда нималарда хато қилганимизни муҳокама қиламиз ва шундан сўнг хулоса чиқарамиз.

Февраль ойи бўлгани туфайли ҳеч бир футболчининг жисмоний ҳолати 100% бўлмайди. Футболчилар ўйиндан-ўйинга ўз формаларини тиклаб боришади.

Ўтказиб юборилган голларда ким айбдор? Тўғриси, ҳимоя ёки дарвозабон гарданига оғдармаган бўлардим. Бу ерда бутун жамоа консентрацияни йўқотгани қимматга тушди. Бундай баҳсларда тезкор гол ўтказиб юбориш ярамайди. Аммо шунга қарамасдан жамоа ўзида куч топа олди.

Легионерлар? Костич балки келаси учрашувда майдонга тушиши мумкин. Аммо бу ҳали номаълум. Марко Зочевич эса жароҳат олган ва у ўйинни ўтказиб юборади. Санъат Шиховни жароҳат безовта қилгани учун алмаштирдик. Энди унинг ҳолати билан танишамиз.

Жасур Ҳасанов кўплаб халқаро мусобақаларда ўйнаган ва бу борада етарлича тажрибага эга. Бугун у майдонда ҳақиқий етакчига айланди ва жамоани ўз ортидан эргаштира олди. АГМКдаги кўплаб футболчилар учун мазкур ўйин илк халқаро учрашувга айланди. Лекин улар қийин паллада тактик жиҳатдан ниҳоятда ақлли ўйнашди.


Голни бош ёки оёқ билан уришнинг фарқи йўқ. Муҳими, гол уриш. Мухлислар ҳам стадионга гол кўриш учун келишади. Уни оёқ билан урадими ёки бош билан аҳамияти йўқ. Менга ҳам шундай. Менга оёқ билан гол урмаганимиздан кўра, кўп голларни урганимиз ёқди. Бош билан гол уриш ҳам бир санъат аслида.

Келаси баҳсда ҳам асосий урғуни тактик ўйинга қаратамиз. Бошқа иложи йўқ. Ўйинга қадар жуда оз вақт қолган. Ва жамоа эндигина йиғилди. Ҳозирча фақат тактик ўйин орқали натижага эришиш мумкин. Футболчилар эса айнан тактик кўрсатмаларни тўлиқ бажара олишларини бугун исботлашди. 

Ғалаба билан барча ўзбек футболи мухлисларини табриклайман.

Рейтинг: +94   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг