"Милан"нинг шонли даври қачон якунланган?
08 авг 2021 16:02
Янгиликлар

"Милан"нинг шонли даври қачон якунланган?

Футбол тарихидаги энг совриндор клублардан бири 8 йиллик танаффусдан кейин ЕЧЛга қайтди.

"Россонерилар" чуқур инқироз даврида А Сериянинг 10-жамоасига айланган пайтлар ҳам бўлди (2014/15). Ўшанда еврофутболга бефарқ бўлмаган ҳар ишқибоз бу жамоанинг катта ғалабаларини қўмсаб яшади. Исталган рақибнинг тиззасига қалтироқ киргазадиган "қизил-қоралар"ни соғиниб яшади.

Хўш, "Модалар шаҳри" ўзининг буюк ғалабаларга эришган ажойиб авлодидан қачон айрилганди? Кафу, Мальдини, Кака, Пирлолар "россонери" лагеридан турли йилларда айрилган. Бироқ, 2012 йилнинг ёзи "Милан" тарихидаги энг оғир трансфер ойнасига гувоҳлик қилди. Диққат қилинг, қуйидаги футболчилар бундан 9 йил олдин бирваракайига Миланни тарк этган эди.

Златан Ибрагимович

Тиагу Силва

Женнаро Гаттузо

Кларенс Зеедорф

Антонио Кассано

Марк ван Боммел

Алессандро Неста

Жанлука Замбротта

Филиппо Инзаги

Тиагу Силва ўша даврда дунёнинг энг кучли ҳимоячилари, Ибрагимович энг яхши форвардлар қаторида эътироф қилинарди. Зеедорф, Инзаги, Неста ва Гаттузо эса ҳеч қандай таърифга шарт эмас. Бундай катта номлар кетганидан кейин "Милан" етакчиси сифатида Кевин-Принц Боатенг, Жампаоло Паццини, Стефан Эл-Шаарави ва Мбайе Ньянг сингари футболчилар намоён бўла бошлади. Улар орасидаги фарқ эса ўзингизга маълум.

Мессининг ўрнини босиши кутилган Деулофеу ҳозир қаерда?