UZ

Сўнгги янгиликлар

20:08“Барселона” президенти Суперлига ҳақида: “Лойиҳа ҳали ҳам ўз кучида қолган”  0 19:55“Милан” яқин соатларда Ибрагимович билан шартнома узайтирганини эълон қилади  0 19:45Лингард: “Футбол билан хайрлашишим мумкин эди”  3 19:15Питер Хюистра: "Шаржа"га қарши илк баҳсда хатоларга йўл қўйдик, буни тузатмоқчимиз"  44 18:59"Реал Мадрид" мухлислари учун Серхио Рамосга боғлиқ хушхабар  3 18:55Ўзбекистон кубоги. "Олимпик", "Қизилқум", "Навбаҳор"да йирик ҳисобдаги ғалаба. "Нефтчи"дан кутилмаган мағлубият  66 18:47ПСЖ "Боруссия" хавбекига қизиқмоқда  0 18:25Омар Моманидан карикатура: Карим Бензема "Реал"да бу асрда Ла Лига доирасидаги ўйинларда энг кўп ассист амалга оширган ўйинчи бўлди  8 18:16Даврон Файзиев "Бухоро" жамоаси бош мураббийлигидан кетди  16 18:01Агуэро "Барселона"га ўтиш учун шартини маълум қилди  2 17:44Эркин Бахтиёров "Пахтакор" — "Металлург" ўйинидаги ёрдамчи ҳакам ҳақида: "У Суперлиганинг 2 та тур учрашувларини бошқаришдан четлатилди"  29 17:38"Арсенал" "Лилль" хавбекини нишонга олди  0 17:16"Интер" Перишични трансферга қўйди  1 16:52Асрор Алиқулов Тошкентда даволанмоқда  6 16:37Карикатура: Мухлислар босими сабаб инглиз клублари Суперлигада чиқишди, Перес эса ҳали таслим бўлмаслигини айтди  3

"Милан" Римда зафар қучди, "Женоа" "Интер"га мағлуб бўлди ва бошқа учрашувлар Янгиликлар

"Милан" Римда зафар қучди, "Женоа" "Интер"га мағлуб бўлди ва бошқа учрашувлар

А Серияда 24-тур учрашувлари ортда қолди.

"Ювентус" "Верона"ни енга олмади

Умуман олганда "мастифлар" исталган рақиб учун ноқулай рақиб ҳисобланишади. Бу сафар "Ювентус" уларнинг "тўрига илинди". Қизиқ  томони ўйиндаги 1-хавфли вазият "Верона" ижросида амалга оширилди. Бироқ бурчакдан узатмадан кейин Лозато дарвозага йўллаган тўпи устун тегиб қайтди. "Ювентус" эса танаффусгача айтарли ҳеч нима қилолмади, фақатгина Роналдунинг жарима майдони ташқарисидан берган зарбаси ёдда қолди. Барча қизиқ воқеалар десертга қолдирилди.

Танаффусдан кейиноқ "Ювентус" гол урди. Кьеза тўпни Рэмсидан қабул қилиб, жарима майдонига ёриб кирди ва Криштиануга етказди, португалиялик эса биргина уринишда голкиперни доғда қолдирди. Кўп ўтмай Роналду дублни расмийлаштириши мумкин эди, л‎екин унинг уриниши кучсиз чиқди. "Верона" эса деярли ҳужумга ўтмасди, аммо ҳужумга ўтганда ҳам хавфли чиқди. Лазович тўпни Стурародан қабул қилди ва қанотдан жарима майдонига узатмани амалга оширди. У ерда Барак ҳаммадан фаолроқ ҳаракат қилди ва ҳисобни тенглаштирди. Қолган 13 дақиқада "Ювентус" ҳеч бўлмаса олдинга боришига умид қилган мухлислар, амалда "Верона" ажойиб вазият яратганини гувоҳи бўлишди. Дарко Лазович ажойиб ҳаракатлар билан рақибларини ортда қолдирди ва тўпни тўсин остига йўналтирди, лекин Шенсни тўп дарвозага бориб тушишига йўл қўймади. "Ювентус" яна қоқилди, туринликларнинг турнирдаги муваффақияти учун бу ёмон хабар, аммо "Верона" истаса яхши ўйин кўрсата олишини яна бир бор исботлаб берди.


"Интер" "Женоа"ни йирик ҳисобда мағлуб этди

Бугунги кунга келиб "Интер" ажойиб спорт формасига кириб олган. Буни жамоа ушбу тур учрашуви 1-дақиқасидаёқ исботлаб қўйди. Лаутаро Лукакуни олға ундади ва Ромелу рақиб ҳимоячилари ҳамда Перинни доғда қолдирди. Бир неча дақиқа ўтиб, энди Дармиан гол уриши мумкин эди, лекин Маттео тўпни дарвозабоннинг устидан ташлаб қўйишда ноаниқликка йўл қўйди. "Интер" умуман олганда анча хотиржам ҳаракат қилсада, янада кучлироқ ўйнай олиши мумкинлиги сезилиб турарди. Барелла Лукакунинг навбатдаги уринишидан кейин Перин тўп йўлига тўғаноқ бўлди. Шомуродовсиз "Женоа" эса деярли ҳеч нима қилолмасди. Бўлим сўнггида Лаутаро "қайчи" услубида зарба берди ва Перин катта қийинчилик билан жамоасини голдан қутқариб қолди.

Танаффусдан кейин воқеалар бироз сокинроқ ривожланди. 62-дақиқада Элдор Шомуродов ўйинга қўшилди. Жамоалар деярли бир-бирини безовта қилмасди, лекин яна Лукаку тинчликни бузиб юборди. Бельгиялик футболчи ҳимоячиларни атрофига тўплаб олди ва тўпни Дармианга етказди, ҳимоячи эса биринчи тегиниши биланоқ дарвозанинг пастки бурчагини ишғол қилди. 77-дақиқада эса майдонга тушганига 40-45 сония бўлган Алексис Санчес Перишичнинг узатмасидан кейин боши билан фарқни йирик кўринишга олиб келди. "Интер" ҳозир ёпилиб оладиган рақиблар билан ҳам, очиқ футболни яхши кўрадиганлар билан ҳам бемалол ўйнай олишини кўрсатмоқда. Омадли серияси якунига етган "грифонлар" эса бу мағлубиятдан кўп ҳам хафа бўлмасликлари ҳамда кейинги ўйинларга тайёрланиши зарур.


"Милан" Римда ғалаба қозонди

Аслини олганда "Милан" ва "Рома" беллашуви катта қизиқиш билан кутилганди. Ўйин стартидаёқ бурчакдан узатмадан кейин Ибрагимович аниқ зарба йўллади, лекин "Рома" ҳимоячилари тўпни дарвоза чизиғидан қайтаришни уддалашди. Такрорий уринишда Леао тўп тўрга бориб тушишини таъминлади, аммо қоида бузилганди. "Милан" фаолроқ кўринарди, аввалига Ребич, кейин эса Кьер дарвоза тўсинини "текшириб кўришди". Спиннацола вазиятлардан бирида Мхитарянни қулай нуқтага чиқарди, лекин Генрих оддий, аммо кучли зарба ўрнига тўпни Доннарумманинг устидан ошириб ташлаб қўймоқчи бўлди. Бўлим сўнгги дақиқаларида "Рома" дарвозасига пенальти белгиланди, Фацио Калабрияга нисбатан қўпол ҳаракат қилди. Кессиэ эса одатга кўра, бундай хатоларни кечирмайди.


Иккинчи бўлимдаги биринчи яққол вазият эса "Рома" томонидан амалга оширилди. Ажойиб комбинация давомида Спиннацола тўпни Веретуга етказди ва Жордан айланма зарбаси билан дарвоза бурчагини аниқ нишонга олди. Маълум паллада "Милан" ўзини йўқотиб қўйиши мумкиндек туюлганди, лекин миланликлар ўзларини йўқотиб қўйишмади. Ребич тўпни Салемаркесдан қабул қилиб олди ва биргина уринишда Манчинини ортда қолдирди, иккинчиси билан эса яқин бурчакни нишонга олди. "Рома" мувозанатни тиклашга уриниб кўрди, лекин римликларга аниқлик етишмасди. Энг қулай имконият Генрих Мхитарянда бўлди, аммо унинг зарбасидан кейин тўп дарвозадан бироз юқорироқдан ўтиб кетди. Охирги дақиқаларда эса "Милан" ҳисобни ўзгартириши мумкин эди, лекин Лопес қийинчилик билан бўлсада, Томорининг зарбасини қайтаришни уддалади. "Милан" муҳим ғалабани қўлга киритди ва "Интер"ни қочириб юбормади.


"Аталанта" "Сампдория"дан кучлироқ

"Аталанта" ЕЧЛ плей-оффи доирасида "Реал"дан учралган мағлубиятдан кейин қандай ҳаракат қилиши жуда қизиқ эди. Қўшимчасига захира ўриндиғида Гасперини бўлмаса, футболчилар қандай ўйин кўрсатиши ҳам кўпчилик учун савол эди. Ўйинни "Аталанта" фаолроқ бошлади, илк дақиқалардаёқ Пашалич яхши имкониятга эга бўлди, лекин зарбаси қовушмади. Қаршисида кучли рақиб турсада "Сампдория" ҳам хотиржам ўйин кўрсатишга интиларди. Вазиятлардан бирида Янкто ўзи учун ўзи вазият яратди ва фақатгина Спортьеллонинг реакциясигина тўп дарвоза тўридан жой олишига йўл қўймади. Дарвозабон Демсгор жаримадан зарба йўллаганда ҳам ишончли ўйин кўрсатди. "Аталанта" эса жуда муҳим паллада гол ура олди. Малиновский Муриэль билан "девор" услубида ўйнаб, бўлим жамоаси фойдасига ҳал бўлишини таъмиинлади.

Иккинчи бўлим аввалида Демсгорда янада қулайроқ нуқтадан жарима зарбаси бериш имкони бўлди, лекин зарбага аниқлик етишмади. "Аталанта" эса тезкор қарши ҳужум билан жавоб берди, тўп иккинчи темпда ҳужумни қўллаб келаётган Госенсга келиб тушди, лекин германияликнинг зарбаси дарвозагача етиб боришига ҳимоячилар йўл қўймади. "Аталанта" қанотлардан айниқса яхши ҳужумлар ташкил этарди. Мехленинг узатмасидан кеийн Иличич мўлжалда адашди. Қанотлардаги бу каби устунлик ўз самарасини бермай қолиши қийин эди, Мехленинг навбатдаги узатмасидан кейин Госенс дарвозани аниқ нишонга олишига бу сафар ҳеч ким ҳалақит қилолмади. Бу голдан кейин "Сампдория" буткул таслим бўлди, "бергамоликлар" эса яна гол уришлари мумкин эди. Иличич ва Пессинада қулай имкониятлар бўлди, аммо ҳисоб бошқа ўзгармади. Натижада "Аталанта" Европа Чемпионлар Лигаси зонасидаги ўрнини сақлаб турибди.

Шунингдек, "Наполи" "Беневенто"ни енгди, "Удинезе" "Фиорентина"дан устун, "Специя" ва "Парма" дуранг ўйнашди.


Сергей Румянцев

Нозима Зарипова таржимаси

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика