“Милан” Моратани ўз сафига чорламоқда

Италия клубининг асосий мақсадларидан бири “Челси” форварди Альваро Моратани ўз сафига қўшиб олишдан иборат, дея хабар бермоқда италиялик машҳур журналист Жанлука ди Марцио.

Манбанинг хабарига кўра, 16 июль куни “Милан” спорт директори Массимилиано Мирабелли ва бош директор Марко Фассоне Моратанинг Миланга келишини муҳокама қилишган.

Ди Марционинг тасдиқлашича, Мората Италияга қайтишга қарши эмас. Шунингдек, “Милан” “Ювентус” форварди Гонсало Игуаинни ҳам ўз таркибига қўшиб олмоқчи. Роналду келгач Игуаин ҳам Турин клубини тарк этиш эҳтимоли юқори.

Ушбу икки футболчи мавсумлар оралиғида “Милан”нинг асосий трансфер харидлари бўлиши кутилмоқда.