Милан клублари "Торино" ҳимоячисига даъвогар

"Интер" ва "Милан" клублари "Торино" марказий ҳимоячиси Алессандро Буонжорно учун курашмоқда, дея хабар берди Фабрицио Романо.

Хабар қилинишича, 24 ёшли Буонжорнонинг ўзи ёзда "Торино"ни тарк этишга тайёр. У "Милан" ёки "Интер"дан ташқари Англия Премьер-лигасига ўтишга ҳам қизиқади. Ҳимоячининг амалдаги битими 2028 йилнинг ёзига қадар мўлжалланган. "Торино" унинг учун 40 миллион евро ишлаб олмоқчи.

24 ёшли Буонжорно жорий мавсум "Торино" сафида 24 та ўйинда ҳаракат қилиб, 1 та гол ва 3 та голли узатмага муаллифлик қилди.