Айни пайтда лондонликлар 14-турдан сўнг АПЛ турнир жадвалида 15-поғонада боришмоқда.
“Бор кучим ва эътиборим жамоани ҳозирги ҳолатида олиб чиқиш, йигитларнинг руҳини кўтаришга қаратилган. Футболчиларим ҳар сафар майдонга чиққанда бор куч ва имкониятларини ишга солиб ҳаракат қилишмоқда. Буни инкор этиб бўлмайди. Аммо қайд этаётган натижаларимиздан барча шу жумладан ўзимиз ҳам норизомиз. Бу “Арсенал”нинг стандартларига жавоб бермайди. Барча муаммо ана шунда.
Вазият ҳақиқатан ҳам қийин. Аммо футболчиларимнинг ҳаракатлари мени илҳомлантиради. Очиқ айтишим керак, биздан омад юз ўгирмоқда. Кўплаб баҳсларда керакли очколарни қўлимиздан чиқариб юбордик”, деди Артета.
