Микель Артета: «Бугун бизга хос бўлмаган голларни ўтказиб юбордик»
10 апр 2024 08:49
Янгиликлар

Микель Артета: «Бугун бизга хос бўлмаган голларни ўтказиб юбордик»

«Арсенал» устози Микель Артета кечаги учрашувдаги натижа ҳақида фикр билдирди.

«Рақибнинг голлари бизга бироз ёмон таъсир қилди. Бугун бизга хос бўлмаган голларни ўтказиб юбордик. Бироқ бу Чемпионлар лигаси, бу ерда барчасига тайёр бўлишинг керак. Бу ерда ҳар қандай кичик хато сенга қимматга тушиши мумкин. Бу — футбол. Бундай хатоларга йўл қўймаслигимиз лозим. Бугун биз рақибга тўп билан қочиш учун бир неча бор имконият қолдирдик.

Захирадан майдонга тушганлар ўйин тақдирини ўзгартиришга катта ҳисса қўшишди. Мен жамоамга ишонаман, биз Германияда ўзимизга керакли бўлган натижа билан қайтишимиз мумкин. Бунинг учун фақатгина яхши тайёргарлик кўришимиз лозим бўлади», — деди Микель Артета.

Эслатиб ўтамиз, «Бавария» — «Арсенал» ўртасидаги жавоб учрашуви 17 апрелга белгиланган.

Ҳавола :

Манба : championat.com

Янгиликларни Телеграмда ўқинг!

Рейтинг: +2